അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
യുക്രൈനിൽ കുടുങ്ങിക്കിടക്കുന്ന മലയാളി വിദ്യാർഥിനിയെ ഫോണിൽ വിളിച്ച് ആശ്വസിപ്പിച്ച് വിദ്യാഭ്യാസ മന്ത്രി വി.ശിവൻ കുട്ടി. ധൈര്യം സംഭരിച്ചു നിൽക്കാനും എല്ലാവരെയും തിരിച്ച് എത്തിക്കാനുള്ള നടപടികൾ വേഗത്തിലാക്കുന്നുണ്ടെന്നും മന്ത്രി വ്യക്തമാക്കി. വിദ്യാർഥിനിയുടെ മാതാപിതാക്കളേയും മന്ത്രി സമാശ്വസിപ്പിച്ചു.വിദ്യാര്‍ഥിനിയോട് തന്‍റെ നമ്പര്‍ കയ്യിലില്ലേ എന്ന് അന്വേഷിച്ച മന്ത്രി ഏത് സമയത്തും തന്നെ ബന്ധപ്പെടാമെന്നും വ്യക്തമാക്കി.
വിഷയത്തില്‍ മുഖ്യമന്ത്രി നേരിട്ട് ഇടപെടുന്നുണ്ടെന്നും വേണു രാജാമണിയുടെ ഇടപെടൽ വലുതാണെന്നും മന്ത്രി കൂട്ടിച്ചേര്‍ത്തു. വിദ്യാർത്ഥികൾ ഉൾപ്പടെ മുഴുവൻ മലയാളികളെയും എത്തിക്കാനാകുമെന്നാണ് പ്രതീക്ഷ. ക്രമീകരണങ്ങൾക്കായി ജില്ലാ കളക്ടർമാർക്ക് നിര്‍ദേശം നൽകിയിട്ടുണ്ട്. വിമാനത്താവളത്തിലെ ഒരുക്കങ്ങള്‍ പൂർത്തിയായതായും മന്ത്രി കൂട്ടിച്ചേർത്തു.
