അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.സംവിധായകന് ലിജോ ജോസ് പെല്ലിശ്ശേരിക്ക് മമ്മൂട്ടിയുടെ നിര്മ്മാണ കമ്പനിയായ മമ്മൂട്ടി കമ്പനിയുടെ കത്ത്. മമ്മൂട്ടി കമ്പനി നിര്മ്മിക്കുന്ന പുതിയ ചിത്രം ‘നന്പകല് നേരത്ത് മയക്കം’ എന്ന സിനിമയുടെ ഭാഗമായതിന് നന്ദിയറിയിച്ചാണ് കത്ത്. ലിജോ ജോസ് പെല്ലിശ്ശേരി കത്തിൻ്റെ ചിത്രം സാമൂഹിക മാധ്യമങ്ങളില് പങ്കുവച്ചു.
‘നന്പകല് നേരത്ത് മയക്കത്തിൻ്റെ ഭാഗമായതിന് നന്ദി. താങ്കള് ഇല്ലായിരുന്നെങ്കില് ഈ സിനിമ ഇതുപോലെയാകില്ലായിരുന്നു. നിങ്ങളുടെ കഴിവിനും പരിശ്രമത്തിനും ഞങ്ങള് നല്കുന്ന ആദരമാണ് ഈ സമ്മാനങ്ങള്,’ എന്നാണ് കത്തില് കുറിച്ചിരുന്നത്. അടുത്തിടെ ചിത്രത്തിൻ്റെ ഷൂട്ടിംഗ് പൂർത്തിയായിരുന്നു. ചിത്രവുമായി ബന്ധപ്പെട്ട് വരുന്ന അപ്ഡേഷനുകളും ചിത്രങ്ങളും സോഷ്യൽ മീഡിയയിൽ തരംഗമാകാറുണ്ട്. ഷൂട്ടിംഗ് പൂര്ത്തിയാക്കിയ ചിത്രത്തിൻ്റെ റിലീസിനായി കാത്തിരിക്കുകയാണ് പ്രേക്ഷകര്.
https://www.facebook.com/plugins/post.php?href=https%3A%2F%2Fwww.facebook.com%2Flijojosepellissery%2Fposts%2F10158908006862452&show_text=true&width=500
കഴിഞ്ഞ വർഷം നവംബര് 7ന് വേളാങ്കണ്ണിയില് വച്ചായിരുന്നു സിനിമയുടെ ചിത്രീകരണമാരംഭിച്ചത്. സിനിമയുടെ പ്രധാന ലൊക്കേഷന് പഴനിയായിരുന്നു. തമിഴ്നാട്ടിലാണ് മുഴുവന് സിനിമയും ചിത്രീകരിച്ചത്. ലിജോയും മമ്മൂട്ടിയും ആദ്യമായി ഒന്നിക്കുന്ന ചിത്രമാണിത്. മമ്മൂട്ടി നിർമ്മിക്കുന്ന ചിത്രത്തിൽ ആമേന് മൂവി മൊണാസ്ട്രിയുടെ ബാനറില് സഹനിര്മ്മാതാവായി ലിജോയും ഒപ്പമുണ്ട്.
അശോകന്, തമിഴ് നടി രമ്യ പാണ്ഡ്യന് എന്നിവരും ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ‘അമര’ത്തിനു ശേഷം അശോകന് മമ്മൂട്ടിക്കൊപ്പം അഭിനയിക്കുന്ന ചിത്രവുമാണ് ഇത്. എസ് ഹരീഷിന്റേതാണ് രചന. അതേസമയം, ഭീഷ്മപർവ്വമാണ് മമ്മൂട്ടിയുടേതായി റിലീസിനൊരുങ്ങുന്ന ചിത്രം. മാർച്ച് മൂന്നിന് ചിത്രം പ്രേക്ഷകർക്ക് മുന്നിലെത്തും.
പ്രഖ്യാപന സമയം മുതൽ ശ്രദ്ധനേടിയ ചിത്രം സംവിധാനം ചെയ്യുന്നത് അമൽ നീരദാണ്. ഡ്രാമ വിഭാഗത്തില് പെടുന്ന ചിത്രത്തില് മൈക്കിള് എന്ന കഥാപാത്രത്തെയാണ് മമ്മൂട്ടി അവതരിപ്പിക്കുന്നത്. തബു, ഫര്ഹാന് ഫാസില്, ഷൈന് ടോം ചാക്കോ, സൗബിന് ഷാഹിര്, ശ്രീനാഥ് ഭാസി, ദിലീഷ് പോത്തന്, അബു സലിം, പദ്മരാജ് രതീഷ്, ഷെബിന് ബെന്സണ്, ലെന, ശ്രിന്ധ, ജിനു ജോസഫ്, വീണ നന്ദകുമാര്, ഹരീഷ് പേരടി, അനസൂയ ഭരദ്വാജ്, നദിയ മൊയ്തു, മാല പാര്വ്വതി തുടങ്ങി വലിയ താരനിരയാണ് ചിത്രത്തില് അണിനിരന്നിരക്കുന്നത്. അമൽ നീരദും ദേവ്ദത്ത് ഷാജിയും ചേർന്നാണ് ചിത്രത്തിൻ്റെ തിരക്കഥ.
