അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സോഷ്യൽ മീഡിയയിൽ അടുത്തിടെ ഏറ്റവും കൂടുതൽ ട്രെൻഡായ പാട്ടാണ് ‘കച്ചാ ബദാം’. ബംഗാളി തെരുവ് കച്ചവടക്കാരനായ ഭൂപൻ ഭഡ്യാക്കർ പാടിയ ബംഗാളി നാടോടിഗാനമാണ് കച്ചാ ബദാം. ഈ പാട്ട് ആരോ റെക്കോർഡ് ചെയ്ത് ഇൻസ്റ്റഗ്രാമിൽ ഇട്ടതോടെയാണ് പാട്ട് വൈറലാകുന്നത്. അന്താരാഷ്ട്ര തലത്തിൽ വരെ വൈറലായ ഈ പാട്ടിൻ്റെ ‘ജഗതി’ വേർഷനാണ് ഇന്നത്തെ ട്രെൻഡിംഗ്.
https://www.facebook.com/plugins/video.php?href=https%3A%2F%2Fwww.facebook.com%2Fjagathysreekumarofficial%2Fvideos%2F3342732399333515%2F&show_text=0&width=407
ജഗതി അഭിനയിച്ച ഒരു പഴയ ചിത്രത്തിലെ രംഗങ്ങള്‍ കച്ച ബദാം ഗാനത്തിനൊപ്പം മിക്സ് ചെയ്തതാണ് വീഡിയോ. ജഗതി ശ്രീകുമാറിന്‍റെ ഒഫിഷ്യല്‍ ഫേസ്ബുക്ക് പേജിലും പോസ്റ്റ് ചെയ്തതോടെ ഈ വീഡിയോ വൈറല്‍ ആവുകയായിരുന്നു. നാലായിരത്തോളം ലൈക്കുകളും 230ല്‍ ഏറെ ഷെയറുകളുമാണ് ഈ പേജില്‍ നിന്നുമാത്രം വീഡിയോയ്ക്ക് ലഭിച്ചിരിക്കുന്നത്. 2012ല്‍ സംഭവിച്ച വാഹനാപകടത്തിനു ശേഷം സിനിമയില്‍ നിന്ന് അകന്നുനില്‍ക്കുകയാണ് ജഗതി ശ്രീകുമാര്‍.
https://www.youtube.com/watch?v=uiqrngFTX5k
മമ്മൂട്ടി നായകനാവുന്ന സിബിഐ സിരീസിലെ അഞ്ചാം ചിത്രത്തില്‍ ജഗതി ഉണ്ടാവുമെന്ന് റിപ്പോര്‍ട്ടുകള്‍ എത്തിയിരുന്നെങ്കിലും ഇക്കാര്യത്തില്‍ ഔദ്യോഗിക പ്രതികരണങ്ങളൊന്നും എത്തിയില്ല. സിബിഐ 5 ലൊക്കേഷനില്‍ നിന്നുള്ളതെന്ന പേരില്‍ ജഗതിയുടെ ഒരു ചിത്രം കഴിഞ്ഞ വര്‍ഷാവസാനം സോഷ്യല്‍ മീഡിയയില്‍ പ്രചരിച്ചിരുന്നു. എന്നാല്‍ ഇതിനു മാസങ്ങള്‍ക്കു മുന്‍പ് ജഗതി അഭിനയിച്ച ഒരു പരസ്യചിത്രത്തിന്‍റെ ലൊക്കേഷനില്‍ നിന്നുള്ളതായിരുന്നു പ്രസ്തുത ചിത്രം.
