അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
പത്തനംതിട്ട: പത്തനംതിട്ടയിൽ ഹോട്ടലിന് മുകളിൽ വിദ്യാർഥിയെ (Student) തൂങ്ങിമരിച്ച നിലയിൽ കണ്ടെത്തി. തൃശൂർ വരന്തരപ്പിള്ളി ചുക്കേരി വീട്ടിൽ അലോൻസോ ജോജി (18) ആണ് ജീവനൊടുക്കിയത് (Suicide). റാന്നിയിലെ സ്വകാര്യ സ്കൂളിലെ പ്ലസ് ടു വിദ്യാർഥിയാണ് അലോൻസോ ജോജി. ആത്മഹത്യയാണെന്നാണ് പൊലീസിൻറെ പ്രാഥമിക നിഗമനം.
രണ്ടു മാസമായി പത്തനംതിട്ട നഗരത്തിലെ ഹോട്ടലിലായിരുന്നു വിദ്യാർത്ഥി താമസിച്ച് വന്നിരുന്നത്. പത്തനംതിട്ട കോളേജ് റോഡിൽ പ്രവർത്തിക്കുന്ന ഹോട്ടലിൽ കഴിഞ്ഞ മാസം മൂന്നിനാണ് അലോൻസോ റൂമെടുത്തത്. 405-ാം നമ്പർ റൂമിലെ താമസക്കാരനായിരുന്നു. ചൊവ്വാഴ്ച രാത്രി 11.30 ഓടെയാണ് ഇയാളെ ഹോട്ടലിൽ തൂങ്ങിമരിച്ച നിലയിൽ കണ്ടെത്തിയത്.
ഹോട്ടൽ കെട്ടിടത്തിന്റെ മൂന്നാംനിലയിലാണ് മൃതദേഹം കണ്ടെത്തിയത്. ജീവനക്കാർ ഉടൻ പൊലീസിനെ വിവരം അറിയിക്കുകയായിരുന്നു. കുടുംബ പ്രശ്‌നങ്ങളാണ് ആത്മഹത്യയിലേക്ക് നയിച്ചതെന്നാണ് പോലീസിന്റെ പ്രാഥമിക കണ്ടെത്തൽ. കൂടുതൽ അന്വേഷണം നടത്തി വരികയാണെന്ന് റാന്നി പൊലീസ് അറിയിച്ചു.
