അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ഡൽഹി: കർണാടകയ്ക്ക് പിന്നാലെ കൂടുതല് സംസ്ഥാനങ്ങള് ഹിജാബ് നിരോധനം ഏർപ്പെടുത്താൻ ഒരുങ്ങുന്നതായി റിപ്പോർട്ടുകൾ. ഹിജാബ് യൂണിഫോമിന്റെ ഭാഗമല്ലെന്ന് മധ്യപ്രദേശ്, പുതുച്ചേരി സര്ക്കാരുകള് വ്യക്തമാക്കി. തെലങ്കാനയില് ഹിജാബ് നിരോധനം ആവശ്യപ്പെട്ട് ബിജെപി രംഗത്തെത്തി. സംഘര്ഷ സാധ്യത കണക്കിലെടുത്ത് കര്ണാടകയില് കൂടുതല് ഇടങ്ങളില് നിരോധനാജ്ഞ പ്രഖ്യാപിച്ചു. ഹിജാബിന്റെ പേരില് സത്രീകളെ ദ്രോഹിക്കുന്നത് അവസാനിപ്പിക്കണമെന്ന് പ്രിയങ്ക ഗാന്ധി ആവശ്യപ്പെടുകയും ചെയ്തു.
നിരോധനാജ്ഞ നിലനില്ക്കേ ശിവമൊഗ്ഗയിലും ദാവന്കരയിലും വീണ്ടും പ്രതിഷേധ റാലികള്ക്ക് ഒത്തുകൂടിയവരെ പൊലീസ് വിരട്ടി ഓടിച്ചു. പ്രതിഷേധം തെരുവിലേക്ക് വ്യാപിപ്പിച്ച് നഗരത്തിലൂടെ റാലിക്ക് ആഹ്വാനം നല്കിയിരുന്നു. സംഘങ്ങളായി തിരിഞ്ഞ് ഒത്തുകൂടിയവര്ക്ക് നേരെ പൊലീസ് ലാത്തിവീശി. ഹൈസ്കൂളുകളും കോളേജുകളും അടച്ചിട്ടിരിക്കുകയാണ്. സംഘര്ഷങ്ങള്ക്ക് പിന്നില് കോണ്ഗ്രസും ക്യാമ്പസ് ഫ്രണ്ടുമാണെന്ന് കര്ണാടക സര്ക്കാര് ആരോപിക്കുകയും ചെയ്തു.
