അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.അനൂപ് മേനോനെ നായകനാക്കി നവാഗതനായ ബിബിന് കൃഷ്ണ രചനയും സംവിധാനവും നിര്വ്വഹിച്ചിരിക്കുന്ന ’21 ഗ്രാംസി’ന്റെ ടീസര് പുറത്തെത്തി. ഇന്വെസ്റ്റിഗേഷന് ത്രില്ലര് വിഭാഗത്തില് പെടുന്ന ചിത്രമാണിത്. ദ് ഫ്രണ്ട് റോ പ്രൊഡക്ഷന്സ് ആണ് നിര്മ്മാണം. ക്രൈംബ്രാഞ്ച് ഡിവൈഎസ്പി നന്ദകിഷോർ എന്ന കഥാപാത്രത്തെയാണ് അനൂപ് മേനോൻ അവതരിപ്പിക്കുന്നത്.
ചിത്രത്തിൽ പ്രേക്ഷകർക്ക് സ്ഥിര-പരിചിതമല്ലാത്ത പുതിയൊരു ഘടനയാണ് കഥ പറയാനായി ഉപയോഗിച്ചിരിക്കുന്നത്. ലിയോണ ലിഷോയ്, രഞ്ജിത്ത്, രഞ്ജി പണിക്കർ, ലെന, അനു മോഹൻ, മാനസ രാധാകൃഷ്ണൻ, നന്ദു, ശങ്കർ രാമകൃഷ്ണൻ, പ്രശാന്ത് അലക്സാണ്ടർ, ചന്തുനാഥ്, മറീന മൈക്കിൾ, വിവേക് അനിരുദ്ധ് തുടങ്ങിയ വലിയൊരു താരനിര തന്നെ അണിനിരക്കുന്നുണ്ട്.
ദീപക് ദേവാണ് സംഗീതം. ജിത്തു ദാമോദർ, അപ്പു എൻ ഭട്ടതിരി എന്നിവർ യഥാക്രമം ഛായാഗ്രഹണവും എഡിറ്റിങ്ങും നിർവഹിക്കുന്നു. സന്തോഷ് രാമൻ ആണ് പ്രൊഡക്ഷൻ ഡിസൈനർ. കോസ്റ്റ്യൂം- സുജിത്ത് മട്ടന്നൂർ, മെയ്ക്കപ്പ്-പ്രദീപ് രംഗൻ, പ്രൊജക്ട് ഡിസൈനർ-നോബിൾ ജേക്കബ്, പിആർഒ-വാഴൂർ ജോസ്, ആതിര ദിൽജിത്ത്.
