പ​ഞ്ചാ​ബി​ല്‍ ച​ര​ൺ​ജി​ത് സിം​ഗ് ച​ന്നി മു​ഖ്യ​മ​ന്ത്രി സ്ഥാ​നാ​ര്‍​ഥി

ന്യൂ​ഡ​ൽ​ഹി: പഞ്ചാബിൽ ചരൺജിത്ത് സിങ് ചന്നി കോൺ​ഗ്രസിന്‍റെ മുഖ്യമന്ത്രി സ്ഥാനാർത്ഥിയാകും. ചന്നിയെ പഞ്ചാബിലെ  മുഖ്യമന്ത്രി സ്ഥാനാർഥിയായി കോൺഗ്രസ് തീരുമാനിക്കുകയായിരുന്നു. പ്രവർത്തകർക്കിടയിലും സ്വകാര്യ ഏജൻസിയെ ഉയോഗിച്ചും  പാർട്ടി  നടത്തിയ  സർവേ ചന്നിക്ക് അനുകൂലമായതിനെത്തുടർന്നാണ് തീരുമാനം.

ഇ​ത് സം​ബ​ന്ധി​ച്ച് ഔ​ദ്യോ​ഗി​ക പ്ര​ഖ്യാ​പ​നം ഞാ​യ​റാ​ഴ്ച ലു​ധി​യാ​ന​യി​ല്‍ ന​ട​ക്കു​ന്ന റാ​ലി​യി​ല്‍ രാ​ഹു​ല്‍ ഗാ​ന്ധി ന​ട​ത്തും. മുഖ്യമന്ത്രി പദം പങ്കിടേണ്ടെന്നും  പാർട്ടി തീരുമാനമെടുത്തു. നവജ്യോത് സിങ് സിദ്ദുവിൻറെ എതിർപ്പ്  കണക്കിലെടുക്കാതെയാണ് കോൺ​ഗ്രസിന്റെ തീരുമാനം. 

സാ​ധാ​ര​ണ തെ​ര​ഞ്ഞെ​ടു​പ്പി​ന് മു​മ്പാ​യി മു​ഖ്യ​മ​ന്ത്രി സ്ഥാ​നാ​ര്‍​ഥി​യെ പ്ര​ഖ്യാ​പി​ക്കു​ന്ന പ​തി​വ് കോ​ണ്‍​ഗ്ര​സി​നി​ല്ല. ജ​ന​വി​ധി അ​നു​കൂ​ല​മാ​യാ​ല്‍ എം​എ​ല്‍​എ​മാ​രു​ടെ യോ​ഗം വി​ളി​ച്ച് ചേ​ര്‍​ത്ത് മു​ഖ്യ​മ​ന്ത്രി​യെ തീ​രു​മാ​നി​ക്ക​ലാ​ണ് പ​തി​വ് രീ​തി. ഇ​തി​നാ​ണ് ഇ​ത്ത​വ​ണ നേ​തൃ​ത്വം മാ​റ്റം വ​രു​ത്തി​യ​ത്.

അതേസമയം, പഞ്ചാബില്‍ കോണ്‍ഗ്രസിന് ആദ്യം 60 സീറ്റുകള്‍ ലഭിക്കട്ടേയെന്നും മുഖ്യമന്ത്രി എന്നത് പിന്നീടുള്ള വിഷയമാണെന്നും സിദ്ദു പറഞ്ഞു. നാളെ കോണ്‍ഗ്രസ് ദേശീയ നേതൃത്വം മുഖ്യമന്ത്രി സ്ഥാനാര്‍ഥിയായി ആരെ പ്രഖ്യാപിക്കുമെന്നാണ് കരുതുന്നതെന്ന ചോദ്യത്തിന് മറുപടിയായിട്ടായിരുന്നു സിദ്ദുവിന്റെ പ്രതികരണം.