വികസന പദ്ധതികളെ ഉമ്മാക്കി കാണിച്ച് വിരട്ടാൻ നോക്കണ്ട; നാ​ട് മു​ന്നോ​ട്ട് പോ​ക​ണ​മെന്ന്‍ മുഖ്യമന്ത്രി

പാലക്കാട്: കേരളത്തിൽ ഒരു വികസന പരിപാടിയും പാടില്ലെന്ന മട്ടിലാണ് പ്രതിപക്ഷം നീങ്ങുന്നതെന്ന് മുഖ്യമന്ത്രി പിണറായി വിജയൻ. പാലക്കാട് പാർട്ടി ജില്ലാ സമ്മേളനത്തിന് ശേഷം നടന്ന പൊതുസമ്മേളനത്തിൽ സംസാരിക്കുകയായിരുന്നു അദ്ദേഹം. കേന്ദ്ര സർക്കാരിനെ ഉപയോഗിച്ച് പല പദ്ധതികളും അട്ടിമറിക്കാൻ ബിജെപി നീക്കം നടത്തുന്നു. എൽഡിഎഫിന്റെ കാലത്ത് വികസനം വേണ്ടെന്നാണ് അവർ പറയുന്നത്. പിന്നേത് കാലത്താണ് വികസനം വരേണ്ടതെന്നും അദ്ദേഹം ചോദിച്ചു.

നാ​ടി​നെ​തി​രാ​യ ശ​ക്തി​ക​ൾ​ക്കേ വി​ക​സ​ന പ​ദ്ധ​തി​ക​ൾ​ക്കെ​തി​രെ നി​ൽ​ക്കാ​നാ​വൂ. ഞ​ങ്ങ​ൾ​ക്ക് അ​നാ​വ​ശ്യ ദു​ർ​വാ​ശി​യി​ല്ല. മ​റി​ച്ച് നാ​ട് മു​ന്നോ​ട്ട് പോ​ക​ണ​മെ​ന്ന തീ​രു​മാ​നം മാ​ത്ര​മാ​ണ്.

വി​ക​സ​ന പ​ദ്ധ​തി​ക​ളു​മാ​യി ബ​ന്ധ​പ്പെ​ട്ട് സ്ഥ​ല​മെ​ടു​ക്ക​ലി​ലെ പ്ര​ശ്ന​ങ്ങ​ൾ ച​ർ​ച്ച ചെ​യ്യാ​വു​ന്ന​താ​ണ്. എ​ന്നാ​ൽ വി​ക​സ​ന പ​ദ്ധ​തി​ക​ളെ ഉ​മ്മാ​ക്കി കാ​ട്ടി വി​ര​ട്ടു​ന്ന​വ​രോ​ട് ഒ​ന്നേ പ​റ​യാ​നു​ള്ളൂ. വി​ര​ട്ട​ൽ ഇ​ങ്ങോ​ട്ട് വേ​ണ്ട. നാ​ട് മു​ന്നോ​ട്ട് പോ​ക​ണ​മെ​ന്നും മു​ഖ്യ​മ​ന്ത്രി കൂ​ട്ടി​ച്ചേ​ർ​ത്തു.
  
വർഗീയതയോട് സമരസപെടനാണ് കോൺഗ്രസ് ശ്രമമെന്നും കോൺഗ്രസിനെ കടന്നാക്രമിച്ച് അദ്ദേഹം പറഞ്ഞു. രാഹുൽ ഗാന്ധി ഞാൻ ഹിന്ദുവാണെന്ന് ഇവിടെ ഹിന്ദുവിന്റെ ഭരണമാണ് വേണ്ടതെന്നും റാലിയിൽ പറയുന്നു. ബിജെപിക്ക് പലരെയും സംഭാവന ചെയ്യുന്ന പാർട്ടിയായി കോൺഗ്രസ് മാറിയെന്നും മുഖ്യമന്ത്രി കുറ്റപ്പെടുത്തി. ഫാസിസ്റ്റ് രീതിയാണ് RSS പിന്തുടരുന്നതെന്നും ഭരണഘടന സംരക്ഷിക്കേണ്ട കേന്ദ്രസർക്കാർ മതനിരപേക്ഷത തകർക്കാൻ ശ്രമിക്കുകയാണെന്നും മുഖ്യമന്ത്രി പറഞ്ഞു.