ന​ടി​യെ ആ​ക്ര​മി​ച്ച കേ​സ്; സ്പെ​ഷൽ പ്രോ​സി​ക്യൂ​ട്ട​ർ രാ​ജി​വ​ച്ചു

കൊ​ച്ചി: കൊ​ച്ചി​യി​ൽ ന​ടി​യെ ആ​ക്ര​മി​ച്ച കേ​സി​ലെ സ്പെ​ഷ​ൽ പ്രോ​സി​ക്യൂ​ട്ട​ർ അ​ഡ്വ​ക്കേ​റ്റ് വി.​എ​ൻ. അ​നി​ൽ കു​മാ​ർ രാ​ജി​വ​ച്ചു. വി​ചാ​ര​ണ കോ​ട​തി ന​ട​പ​ടി​യി​ൽ പ്ര​തി​ഷേ​ധി​ച്ചാ​ണ് രാ​ജി. ഇ​ത് ര​ണ്ടാം ത​വ​ണ ആ​ണ് ന​ടി​യെ ആ​ക്ര​മി​ച്ച കേ​സി​ലെ പ്രോ​സി​ക്യൂ​ട്ട​ർ രാ​ജി​വ​യ്ക്കു​ന്ന​ത്.

വി​ചാ​ര​ണ കോ​ട​തി ന​ട​പ​ടി​ക​ൾ​ക്കെ​തി​രെ പ്രോ​സി​ക്യൂ​ഷ​ൻ നേ​ര​ത്തെ ഹൈ​ക്കോ​ട​തി​യെ​യും സ​മീ​പി​ച്ചി​രു​ന്നു.

സാക്ഷിയെ വിസ്തരിക്കാൻ അനുവദിക്കുന്നില്ലെന്നും കോടതി പ്രതികൂലമായി നിലപാടെടുക്കുന്നുവെന്നതടക്കം വളരെ ഗുരുതരമായ ആരോപണങ്ങളാണ് പ്രോസിക്യൂട്ടർ ആരോപിക്കുന്നത്. ഈ ഹർജി ഹൈക്കോടതിയുടെ പരിഗണനയിലാണ്. വിചാരണ കോടതിയുടെ നടപടികളിൽ പ്രതിഷേധിച്ച് ഇന്ന് പ്രോസിക്യൂട്ടർ കോടതിയിൽ നിന്നും ഇറങ്ങിപ്പോയ സാഹചര്യവുമുണ്ടായിരുന്നു. 

അതേസമയം, നടിയെ ആക്രമിച്ച കേസിലെ വിചാരണ നിർത്തിവെക്കണമെന്ന് എന്നാവശ്യപ്പെട്ട് പൊലീസ് കോടതിയിൽ അപേക്ഷ നൽകി. തുടർ അന്വേഷണം നടക്കുന്നതിനാൽ വിചാരണ നിർത്തി വെക്കണം എന്നാണ് ആവശ്യം. ഇക്കാര്യം നാളെ കോടതി പരിഗണിക്കും.