അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഒമിക്രോണ് വ്യാപനം അതിവേഗത്തിൽ പടരുന്ന സാഹചര്യത്തിൽ രാജ്യതലസ്ഥാനമായാ ഡൽഹിയിൽ ജാഗ്രത വർധിപ്പിക്കുന്നു. ഇതേ തുടർന്ന് ഡൽഹിയിൽ ഇന്ന് മുതല് രാത്രികാല കര്ഫ്യൂ പ്രഖ്യാപിച്ചു. രാത്രി 11 മുതൽ പുലർച്ചെ 5 മണി വരെയാണ് കര്ഫ്യൂ .ഹരിയാന, യുപി എന്നിവയ്ക്ക് പിന്നാലെയാണ് ഡൽഹിയിലും രാത്രികാല കര്ഫ്യൂഏര്പ്പെടുത്തുന്നത്.ഒമിക്രോണ് മൂലമുള്ള രോഗബാധ വര്ധിക്കുന്ന സാഹചര്യത്തില് രണ്ട് ദിവസങ്ങള്ക്ക് മുന്പ് തന്നെ ഡൽഹി സര്ക്കാര് ക്രിസ്മസിനും ന്യൂ ഇയറിനും കൂട്ടം കൂടുന്നത് നിരോധിച്ചിരുന്നു.എല്ലാ ആഘോഷ പരിപാടികളും ഒഴിവാക്കണമെന്നാണ് ദില്ലി ഡിസാസ്റ്റര് മാനേജ്മെന്റ് അതോറിറ്റി അറിയിപ്പ്.
അതെ സമയം ഏറ്റവും അധികം ഒമിക്രോൺ കേസുകളുള്ള മഹാരാഷ്ട്രയിൽ 31 പേർ കൂടി രോഗ ബാധിതരായതോടെ ആകെ കേസുകൾ 141 ആയി. 61 പേർ ഇവിടെ രോഗമുക്തരായിട്ടുണ്ട്. 79 ഒമിക്രോൺ കേസുകൾ റിപ്പോർട്ട് ചെയ്ത ഡൽഹിയിൽ 23 പേർ രോഗമുക്തരായി. ഡൽഹിയിൽ പ്രതിദിന കോവിഡ് കേസുകൾ ആറ് മാസത്തിനിടയിലെ ഏറ്റവും കൂടിയ കണക്കിലെത്തിയത് ആശങ്കയാകുന്നു. 24 മണിക്കൂറിനിടെ ഡൽഹിയിൽ 290 കൊവിഡ് കേസുകളും ഒരു മരണവും റിപ്പോർട്ട് ചെയ്തു.പുതുവർഷത്തിൽ വാക്സിനേഷൻറെ അടുത്ത ഘട്ടത്തിനൊരുങ്ങുകയാണ് രാജ്യം. കൗമാരക്കാരിലെ വാക്സിനേഷനും, മുതിർന്നവരിലെ ബൂസ്റ്റർ ഡോസിനുമുള്ള തയ്യാറെടുപ്പുകളിലേക്ക് കടന്നിട്ടുണ്ട്. 15 നും 18 നുമിടയിലുള്ള ഏഴരക്കോടിയോളം വരുന്ന കൗമാരക്കാർക്കാവും അടുത്ത തിങ്കളാഴ്ച്ച മുതൽ വാക്സീൻ നൽകി തുടങ്ങുക.
https://www.youtube.com/watch?v=IWVlMhCKmm0
