അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ന്യൂഡല്ഹി: ഒമിക്രോണ് കേസുകള് വര്ദ്ധിച്ചുവരുന്ന പശ്ചാത്തലത്തില് നിയന്ത്രണങ്ങള് കടുപ്പിച്ച് ഡല്ഹി സര്ക്കാര്. ക്രിസ്മസ്, പുതുവത്സരാഘോഷങ്ങള് അടുത്തിരിക്കവേ ആഘോഷങ്ങള്ക്ക് ആളുകള് കൂട്ടം കൂടുന്നത് ഡല്ഹി സര്ക്കാര് നിരോധിച്ചു.
ഡൽഹി ഡിസാസ്റ്റർ മാനേജ്മെന്റ് അതോറിറ്റിയുടെ (ഡിഡിഎംഎ) ഉത്തരവ് പ്രകാരം എല്ലാ സാംസ്കാരിക പരിപാടികളും മറ്റ് ഒത്തുചേരലുകളും നിരോധിച്ചിട്ടുണ്ട്.
മാസ്ക് ധരിക്കാതെ ഉപഭോക്താക്കൾക്ക് പ്രവേശനം നിഷേധിക്കാനും മാർക്കറ്റ് ട്രേഡ് അസോസിയേഷനുകൾക്കും സർക്കാർ നിർദ്ദേശം നൽകിയിട്ടുണ്ട്. ഡൽഹിയിൽ ഇതുവരെ 57 ഒമിക്രോൺ കേസുകൾ റിപ്പോർട്ട് ചെയ്തിട്ടുണ്ട്.
ഇന്ത്യയില് ഏറ്റവുമധികം പേര്ക്ക് ഒമിക്രോണ് സ്ഥിരീകരിച്ചത് ഡല്ഹിയിലാണ്. ഡല്ഹിയില് 57 പേര്ക്കാണ് വൈറസ് ബാധ കണ്ടെത്തിയത്. നിലവില് രാജ്യത്ത് 213 പേര്ക്കാണ് ഒമിക്രോണ് സ്ഥിരീകരിച്ചത്. ഒമിക്രോണ് കേസുകള് വര്ധിക്കുന്ന പശ്ചാത്തലത്തില് നിയന്ത്രണങ്ങള് കടുപ്പിക്കാനും ജാഗ്രത തുടരാനും കേന്ദ്രസര്ക്കാര് സംസ്ഥാനങ്ങള്ക്ക് നിര്ദേശം നല്കിയിട്ടുണ്ട്.
