ഒ​മി​ക്രോ​ൺ: മുന്നറിയിപ്പുമായി എയിംസ്​ മേധാവി ര​ൺ​ദീ​പ്​ ഗു​ലേ​റി​യ

ന്യൂ​ഡ​ൽ​ഹി: രാജ്യത്ത് ഒ​മി​ക്രോ​ൺ കേ​സു​ക​ൾ ഉ​യ​രു​ന്ന സാ​ഹ​ച​ര്യ​ത്തി​ൽ നേ​രി​ടാ​ൻ ഒ​രു​ങ്ങി​യി​രി​ക്ക​ണ​മെ​ന്ന മു​ന്ന​റി​യി​പ്പു​മാ​യി എ​യിം​സ് മേ​ധാ​വി ര​ൺ​ദീ​പ്​ ഗു​ലേ​റി​യ. രാ​ജ്യ​ത്ത് കോ​വി​ഡ് മൂ​ന്നാം ത​രം​ഗ സാ​ധ്യ​ത ത​ള്ളാ​ന്‍ ക​ഴി​യാ​ത്ത അ​വ​സ്ഥ​യി​ല്‍ എ​ന്തി​നും ത​യാ​റാ​യി​രി​ക്ക​ണമെന്ന് അദ്ദേഹം പറഞ്ഞു.

ബ്രി​ട്ട​നി​ലേ​തു​പോ​ലെ കാ​ര്യ​ങ്ങ​ൾ മോ​ശ​മാ​കി​ല്ലെ​ന്ന്​ പ്ര​തീ​ക്ഷി​ക്കാം. എ​ന്തെ​ങ്കി​ലും ത​ര​ത്തി​ലു​ള്ള സ്ഥി​രീ​ക​ര​ണ​ത്തി​നാ​യി കൂ​ടു​ത​ല്‍ കാ​ത്തി​രി​ക്കേ​ണ്ട​തു​ണ്ട്. കൂ​ടു​ത​ല്‍ വി​വ​ര​ശേ​ഖ​ര​ണം ന​ട​ത്ത​ണം. മു​ന്നൊ​രു​ക്ക​മി​ല്ലാ​തെ നേ​രി​ടു​ന്ന​തി​ലും ന​ല്ല​ത് ന​ന്നാ​യി ത​യാ​റാ​യി​രി​ക്കു​ന്ന​താണെന്നും അ​ദ്ദേ​ഹം കൂട്ടിച്ചേർത്തു.

കോ​വി​ഡ്​ കേ​സു​ക​ൾ ഡ​ൽ​ഹി​യി​ൽ ഉ​യ​രു​ന്ന​തി​ന്​ കാ​ര​ണം ഒ​മി​ക്രോ​ൺ ആ​കാ​മെ​ന്ന്​ എ​യിം​സ്​ ക​മ്യൂ​ണി​റ്റി ​മെ​ഡി​സി​ൻ പ്ര​ഫ​സ​ർ സ​ഞ്​​ജ​യ്​ റാ​യ്​ പ​റ​ഞ്ഞു. ര​ണ്ടാം കോ​വി​ഡ്​ ത​രം​ഗ​ത്തി​ലു​ണ്ടാ​യ അ​തേ സാ​ഹ​ച​ര്യം വ​ന്നേ​ക്കാ​മെ​ന്നും അ​ദ്ദേ​ഹം സൂ​ച​ന ന​ൽ​കി. ​ആ​റു​ മാ​സ​ത്തി​നി​ടെ, ഡ​ൽ​ഹി​യി​ൽ കോ​വി​ഡ്​ കേ​സു​ക​ൾ വീ​ണ്ടും 100 ക​ട​ന്നു.

പ്ര​തി​ദി​ന കോ​വി​ഡ്​ കേ​സു​ക​ൾ 30ൽ ​താ​ഴെ എ​ത്തി​യി​രു​ന്നു. ഇ​ത്​ വീ​ണ്ടും 100ന്​ ​മു​ക​ളി​ലേ​ക്ക്​ എ​ത്തി​യ​ത്​ ആ​ശ​ങ്ക​ക്കി​ട​യാ​ക്കി​യി​ട്ടു​ണ്ട്. രോ​ഗി​ക​ൾ ഉ​യ​രു​ന്ന സാ​ഹ​ച​ര്യ​ത്തി​ൽ എ​ല്ലാ കോ​വി​ഡ്​ കേ​സു​ക​ളും ഒ​മി​ക്രോ​ൺ പ​രി​ശോ​ധ​ന​ക്കാ​യി ജ​നി​ത​ക ശ്രേ​ണീ​ക​ര​ണ​ത്തി​ന്​ അ​യ​ക്കു​മെ​ന്നും മു​ഖ്യ​മ​ന്ത്രി അ​റി​യി​ച്ചു.