അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.അല്ലു അർജുൻ നായകനാക്കി സുകുമാര് സംവിധാനം ചെയ്ത തെലുങ്ക് ആക്ഷന് ഡ്രാമ ചിത്രം പുഷ്പ കഴിഞ്ഞദിവസമാണ് തിയറ്ററിൽ എത്തിയത്. വലിയ സ്വീകരണമാണ് ചിത്രത്തിന് ആദ്യ ദിവസം തന്നെ ആരാധകർ നൽകിയത്. ഇന്ത്യയില് ഈ വര്ഷം റിലീസ് ചെയ്യപ്പെട്ട ചിത്രങ്ങളില് ആദ്യദിന കളക്ഷനില് ഒന്നാമതെത്തിയിരിക്കുകയാണ് ചിത്രം. വിജയ് ചിത്രം മാസ്റ്ററെയും ഈ വാരമെത്തിയ സ്പൈഡര് മാന് നോ വേ ഹോമിനെയും പിന്തള്ളിയായിരുന്നു പുഷ്പയുടെ ഈ റെക്കോർഡ് നേട്ടം.
ഇപ്പോഴിതാ ചിത്രത്തിന്റെ ആദ്യ രണ്ട് ദിവസത്തെ ആഗോള ബോക്സ് ഓഫീസ് കളക്ഷന് പുറത്തുവിട്ടിരിക്കുകയാണ് നിര്മ്മാതാക്കള്. ആദ്യ രണ്ട് ദിവസം കൊണ്ട് ആഗോള ബോക്സ് ഓഫീസില് നിന്ന് ചിത്രം 116 കോടിയാണ് നേടിയിരിക്കുന്നതെന്ന് നിര്മ്മാതാക്കളായ മൈത്രി മൂവി മേക്കേഴ്സ് അറിയിച്ചു. ഈ വര്ഷം ഒരു ഇന്ത്യന് ചിത്രം നേടുന്ന ഏറ്റവും മികച്ച ഗ്രോസ് കളക്ഷനാണ് ഇതെന്നും നിര്മ്മാതാക്കള് അവകാശപ്പെടുന്നു.
It’s Pushpa Raj’s Rage at the Box Office 🤘
Becomes the biggest Indian Grosser 💥💥MASSive 116 CR 2 days Gross Worldwide for #PushpaTheRise 🔥🔥#ThaggedheLe 🤙#PushpaBoxOfficeSensation@alluarjun @iamRashmika @aryasukku @ThisIsDSP @adityamusic @TSeries @MythriOfficial pic.twitter.com/cgmUhDS5Wp
— Pushpa (@PushpaMovie) December 19, 2021
വന് ഹൈപ്പുമായെത്തിയ ചിത്രത്തിന് ആദ്യദിനം സമ്മിശ്ര പ്രതികരണങ്ങളാണ് ലഭിച്ചതെങ്കിലും വെള്ളിയാഴ്ചയിൽ നിന്ന് ശനിയാഴ്ചയിലേക്ക് എത്തുമ്പോള് കളക്ഷനില് വര്ധനവാണ് ചിത്രം നേടിയിരിക്കുന്നത്. ഹിന്ദി പതിപ്പ് ആദ്യദിനം 3 കോടിയാണ് നേടിയതെങ്കില് ശനിയാഴ്ച 4 കോടി നേടി. തമിഴ്, തെലുങ്ക് പതിപ്പുകളില് നിന്നായി തമിഴ്നാട്ടില് നിന്ന് ആദ്യദിനം ചിത്രം നേടിയത് 4.06 കോടിയാണ്. രണ്ടാംദിനം 3.3 കോടിയും. വിദേശ മാര്ക്കറ്റുകളിലും ചിത്രത്തിന് മികച്ച പ്രതികരണമാണ് ലഭിച്ചുകൊണ്ടിരിക്കുന്നത്. വ്യാഴാഴ്ചത്തെ പെയ്ഡ് പ്രിവ്യൂ അടക്കം യുഎസില് നിന്ന് ചിത്രം ഇതുവരെ കളക്ട് ചെയ്തിരിക്കുന്നത് 1.30 മില്യണ് ഡോളര്(9.9 കോടി രൂപ) ആണ്.
തെലുങ്കിനൊപ്പം തമിഴ്, മലയാളം, കന്നഡ, ഹിന്ദി ഭാഷകളിലാണ് ചിത്രം തിയറ്ററുകളില് എത്തിയിരിക്കുന്നത്. രണ്ട് ഭാഗങ്ങാളായെത്തുന്ന ചിത്രത്തിൻ്റെ ആദ്യഭാഗത്തിൻ്റെ പേര് ‘പുഷ്പ ദ റൈസ്’ എന്നാണ്. രക്തചന്ദന കടത്തുകാരനായ പുഷ്പരാജായിട്ടാണ് അല്ലു അർജുൻ എത്തുന്നത്. മലയാളതാരം ഫഹദ് ഫാസിലും ചിത്രത്തിൽ വില്ലൻ വേഷത്തിലെത്തുന്നുണ്ട്. ഫഹദിന്റേയും അല്ലുവിന്റേയും സീനുകൾക്ക് മികച്ച പ്രതികരണമാണ് ലഭിക്കുന്നത്. 250 കോടി രൂപ ചെലവിലാണ് ചിത്രം നിർമിച്ചിരിക്കുന്നത്.
