അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഇന്ദ്രൻസ് പ്രധാന കഥാപാത്രമാക്കി റോജിൻ തോമസ് സംവിധാനം ചെയ്ത ചിത്രമാണ് ‘ഹോം’. ഡയറക്റ്റ് ഒടിടി റിലീസ് ആയി ആമസോണ് പ്രൈമിലൂടെയാണ് ചിത്രം പ്രക്ഷകർക്ക് മുമ്പിലെത്തിയത്. ചിത്രം മികച്ച അഭിപ്രായമാണ് നേടിയത്. സിനിമയിലെ പ്രമുഖരുൾപ്പടെ ചിത്രത്തെ പ്രശംസിച്ചുകൊണ്ട് രംഗത്തെത്തിയിരുന്നു.
ഇപ്പോഴിതാ ചിത്രത്തിന് അഭിനന്ദനം അറിയിച്ചുകൊണ്ട് എത്തിയിരിക്കുകയാണ് തെന്നിന്ത്യയിലെ സൂപ്പർഹിറ്റ് സംവിധായകൻ ഗൗതം വാസുദേവ് മേനോൻ. സംവിധായകന് റോജിന് തോമസിന് അയച്ച വാട്സ് ആപ്പ് സന്ദേശത്തിലാണ് ഗൗതം മേനോന് ചിത്രത്തെ പ്രശംസിക്കുന്നത്. മഞ്ജു വാര്യരില് നിന്നാണ് നമ്പര് വാങ്ങിയത് എന്നു ഗൗതം മേനോന് ആശംസാ സന്ദേശത്തിൽ പറയുന്നു.
ഗൗതം മേനോന്റെ ആശംസാ സന്ദേശം:
“ഹായ്, ഇത് ഗൗതം മേനോന് ആണ്. മഞ്ജുവില് നിന്നാണ് നിങ്ങളുടെ നമ്പര് കിട്ടിയത്. നിങ്ങളുടെ സിനിമ എനിക്ക് ഏറെ ഇഷ്ടമായി. ചിത്രത്തിന്റെ ആശയവും അതിന്റെ എഴുത്തും എക്സിക്യൂഷനും വളരെ നന്നായിട്ടുണ്ട്. അനേകമാളുകള് ഇതിനോടകം ഇക്കാര്യം പറഞ്ഞിട്ടുണ്ടെന്ന് എനിക്കറിയാം. എന്നാലും പറയുന്നു, വളരെ നല്ല വര്ക്കാണ് ഇത്. താരനിര്ണ്ണയം കൂടിയാണ് ചിത്രത്തിന് ഇത്രയും വ്യത്യാസം ഉണ്ടാക്കിയത്. അവരെല്ലാം വളരെ നന്നായിരുന്നു. നിങ്ങളുടെ അടുത്ത ചിത്രത്തിനുവേണ്ടി കാത്തിരിക്കുന്നു. എല്ലാ ആശംസകളും”.
മെസേജിൻ്റെ സ്ക്രീൻ ഷോട്ട് പങ്കുവച്ച് റോജിൻ തന്നെയാണ് സന്തോഷം ആരാധകരുമായി പങ്കുവെച്ചത്. സീനിയേഴ്സിൻ്റെ പ്രശംസകൾ കിട്ടുന്നത് തന്നെ സന്തോഷമാണെന്നും എന്നാൽ മറ്റൊരു ഇന്റസ്ട്രിയിലെ സൂപ്പർ സീനിയറിൽ നിന്നാവുമ്പോൾ സന്തോഷം ഇരട്ടിയാവും എന്നാണ് റോജിൻ കുറിച്ചത്. ചിത്രത്തിന് പ്രശംസയുമായി കഴിഞ്ഞ ദിവസം നടന് സിദ്ധാര്ഥും സോഷ്യല് മീഡിയയിലൂടെ രംഗത്തെത്തിയിരുന്നു.
“ഹോം എന്ന ചിത്രം എനിക്ക് വളരെ ഇഷ്ടപ്പെട്ടു. എന്റെ പ്രിയ അഭിനേതാക്കളില് ഒരാളാണ് ഇന്ദ്രന്സ് ചേട്ടന്. ഈ ചിത്രം കണ്ടതിനു ശേഷം അദ്ദേഹത്തെ കെട്ടിപ്പിടിച്ച് ഉമ്മവെക്കാന് തോന്നി. എങ്ങനെ അഭിനയിക്കണമെന്നും അര്ഥവത്തായ സിനിമകള് എടുക്കണമെന്നും നമ്മളെ പഠിപ്പിക്കാന് മുതിര്ന്ന നടന്മാര് നമുക്ക് ഇപ്പോഴുമുണ്ട് എന്നതില് ദൈവത്തിന് നന്ദി. ദയവായി നിങ്ങളുടെ കുടുംബത്തിനൊപ്പം ഈ ചിത്രം കാണുക. കേരളത്തില് നിന്ന് അമ്പരപ്പിക്കുന്ന നിരവധി ചിത്രങ്ങള് വരുന്നുണ്ട്. ഒരു കലാകാരന് എന്ന നിലയില് ഞാന് ബഹുമാനിക്കുന്ന ശ്രീനാഥ് ഭാസിക്കും സ്നേഹം”- സിദ്ധാര്ഥ് ഇന്സ്റ്റഗ്രാമില് കുറിച്ചു.
ആമസോണ് പ്രൈം വീഡിയോയുടെ ഓണം റിലീസ് ആയി ഓഗസ്റ്റ് 19നാണ് ചിത്രം എത്തിയത്. ഇന്ദ്രൻസ് ഒലിവർ ട്വിസ്റ്റായി എത്തിയ ചിത്രത്തിൽ ശ്രീനാഥ് ഭാസി, മഞ്ജു പിള്ള, നസ്ലെന് കെ ഗഫൂര്, കൈനകരി തങ്കരാജ്, ജോണി ആന്റണി, കെപിഎസി ലളിത, വിജയ് ബാബു തുടങ്ങിയവരായിരുന്നു മറ്റ് അഭിനേതാക്കള്. ജയസൂര്യ നായകനാവുന്ന ബിഗ് ബജറ്റ് ചിത്രം ‘കത്തനാര്’ ആണ് റോജിന് തോമസിന്റെ പുതിയ ചിത്രം.
