ഇരട്ട കൊലപാതകങ്ങൾ;ആ​ല​പ്പു​ഴ ജി​ല്ല​യി​ല്‍ നി​രോ​ധ​നാ​ജ്ഞ

ആ​ല​പ്പു​ഴ: ആ​ല​പ്പു​ഴ ജി​ല്ല​യി​ല്‍ നി​രോ​ധ​നാ​ജ്ഞ. ജി​ല്ല​യെ ഞെ​ട്ടി​ച്ച് 12 മ​ണി​ക്കൂ​റി​നി​ടെ ര​ണ്ട് കൊ​ല​പാ​ത​കം ന​ട​ന്ന​തി​നെ തു​ട​ര്‍​ന്ന് പോ​ലീ​സ് ആ​ല​പ്പു​ഴ​യി​ല്‍ ഇ​ന്നും തി​ങ്ക​ളാ​ഴ്ച​യും നി​രോ​ധ​നാ​ജ്ഞ പ്ര​ഖ്യാ​പി​ച്ചു. ജില്ലയുടെ പലമേഖലകളും പോലീസ് കാവലിലാണ്.

ശ​നി​യാ​ഴ്ച രാ​ത്രി ഏ​ഴ​ര​യോ​ടെ​യാ​ണ് എ​സ്ഡി​പി​ഐ സം​സ്ഥാ​ന സെ​ക്ര​ട്ട​റി കെ.​എ​സ്. ഷാ​നെ വെ​ട്ടി​ക്കൊ​ല​പ്പെ​ടു​ത്തി​യ​ത്. ദേ​ഹ​മാ​സ​ക​ലം വെ​ട്ടേ​റ്റ ഇ​ദ്ദേ​ഹ​ത്തെ എ​റ​ണാ​കു​ള​ത്തെ സ്വ​കാ​ര്യ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല.കെ എസ് ഷാനിന്റെ കൊലപാതകത്തിന് പിന്നാലെ ആലപ്പുഴയിൽ ബി.ജെ.പി നേതാവിനെ വെട്ടിക്കൊന്നു. ഒ.ബി.സി മോർച്ച സെക്രട്ടറി രഞ്ജിത്ത് ശ്രീനിവാസൻ ആണ് മരിച്ചത്. പ്രഭാതസവാരിക്കിടെ ഒരു സംഘം ആളുകൾ എത്തി രഞ്ജിത്തിനെ വെട്ടിക്കൊലപ്പെടുത്തുകയായിരുന്നു. ആലപ്പുഴ നഗര ഭാഗത്താണ് ആക്രമണമുണ്ടായത്.

ബി.ജെ.പി മുൻ ജില്ലാ പ്രസിഡന്‍റും ആലപ്പുഴ മണ്ഡലത്തിൽ ബി.ജെ.പി സ്ഥാനാർഥിയുമായിരുന്നു രഞ്ജിത്. ആലപ്പുഴ കോടതിയിൽ അഭിഭാഷകനായിരുന്നു.രാഷ്ട്രീയ കൊലപാതകമാണ് നടന്നതെന്നാണ് പൊലീസിന്‍റെ പ്രാഥമിക നിഗമനം. കൊലപാതകത്തിന് പിന്നിൽ എസ്.ഡി.പി.ഐ ആണെന്ന് ബി.ജെ.പി ആരോപിച്ചു.