അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവനന്തപുരം: ഹൈ റിസ്ക് അല്ലാത്ത രാജ്യത്തില് നിന്ന് വന്നയാള്ക്ക് ഒമിക്രോണ് സ്ഥിരീകരിച്ച സാഹചര്യത്തില് സ്വയം നിരീക്ഷണ വ്യവസ്ഥകള് കര്ശനമായി നടപ്പാക്കാന് ആരോഗ്യവകുപ്പ് തീരുമാനിച്ചു.എല്ലാ ജില്ലകളും ജാഗ്രത പാലിക്കും. ഒമിക്രോണ് സാഹചര്യത്തില് കൂടുതല് സാമ്ബിളുകള് ജനിതക പരിശോധനക്ക് അയക്കും.
പ്രത്യേക വാക്സിനേഷന് യജ്ഞം സംഘടിപ്പിക്കാനും മന്ത്രി വീണ ജോര്ജിെന്റ അധ്യക്ഷതയില് ചേര്ന്ന യോഗം തീരുമാനിച്ചു.സ്വയം നിരീക്ഷണത്തിലെ വ്യവസ്ഥകള് എല്ലാവരും കൃത്യമായി പാലിക്കണമെന്ന് മന്ത്രി പറഞ്ഞു. സാമൂഹിക ഇടപെടലുകള്, ആള്ക്കൂട്ടങ്ങളുള്ള സ്ഥലങ്ങള്, തിയറ്ററുകള്, മാളുകള് എന്നിവ സന്ദര്ശിക്കുന്നത് ഒഴിവാക്കണം.
രോഗികള് കൂടുന്ന സാഹചര്യമുണ്ടായാല് ഐസൊലേഷന് വാര്ഡുകള് സജ്ജമാക്കും. ആവശ്യമുള്ളവര്ക്ക് സ്വകാര്യ ആശുപത്രികളിലും ചികിത്സിക്കാം. എയര്പോര്ട്ടിലും തുറമുഖങ്ങളിലും നിരീക്ഷണം ശക്തമാക്കി. ഇവിടെയെല്ലാം ലാബുകള് സജ്ജമാക്കിയിട്ടുണ്ട്.
