കോ​വി​ഡ് ബാധിക്കാത്ത ഒരുപാട് പേർ ഉള്ളത് കൊ​ണ്ടാ​ണ് കേസുകൾ ഇപ്പോഴും ഉയർന്ന് നിൽക്കുന്നത്: മു​ഖ്യ​മ​ന്ത്രി

തി​രു​വ​ന​ന്ത​പു​രം: സം​സ്ഥാ​ന സ​ർ​ക്കാ​രി​ന്‍റെ കോ​വി​ഡ് പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ​ക്കെ​തി​രേ ഉ​യ​രു​ന്ന വി​മ​ർ​ശ​ന​ങ്ങ​ൾ​ക്ക് മ​റു​പ​ടി​യു​മാ​യി മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. സംസ്ഥാനത്തെ ആരോഗ്യസംവിധാനങ്ങൾ സജ്ജമായത് കൊണ്ടാണ് കോവിഡ് വ്യാപനം പിടിച്ചു നിർത്താനായാതെന്ന് അവകാശപ്പെട്ട പിണറായി കോവിഡ് കേസുകൾ ഇപ്പോഴും ഉയർന്ന് നിൽക്കുന്നത് നേരത്തെ രോഗം ബാധിക്കാത്ത ഒരുപാട് പേർ ഇവിടെയുള്ളത് കൊണ്ടാണെന്നും അവകാശപ്പെടുന്നു.

സം​സ്ഥാ​ന​ത്തെ ആ​രോ​ഗ്യ സം​വി​ധാ​ന​ങ്ങ​ൾ അ​ത്ര ക​ണ്ട് സ​ജ്ജ​മാ​യി​രു​ന്ന​ത് കൊ​ണ്ടാ​ണ് രോ​ഗ​വ്യാ​പ​നം പ​രി​ധി വി​ടാ​തി​രു​ന്ന​ത്. അ​തു​കൊ​ണ്ടാ​ണ് എ​റ്റ​വും കു​റ​ഞ്ഞ മ​ര​ണ നി​ര​ക്ക് നി​ല​നി​ർ​ത്താ​നാ​യ​ത്. എ​ല്ലാ​യി​ട​ത്തും വ്യാ​പി​ച്ച​പ്പോ​ൾ ന​മ്മ​ൾ പ്ര​തി​രോ​ധം തീ​ർ​ത്തു. കു​റ്റ​പ്പെ​ടു​ത്തു​ന്ന​വ​ർ​ക്ക് ഇ​ത് മ​ന​സി​ലാ​കാ​ത്ത​തു കൊ​ണ്ട​ല്ലെ​ന്നും ല​ക്ഷ്യം വേ​റെ​യാ​ണെ​ന്നും മു​ഖ്യ​മ​ന്ത്രി പ​റ​ഞ്ഞു.

വാ​ക്സി​ൻ എ​ടു​ക്കാ​ത്ത​വ​ർ രോ​ഗി​ക​ളാ​യാ​ൽ ചെ​ല​വ് സ്വ​യം വ​ഹി​ക്ക​ണ​മെ​ന്നും മു​ഖ്യ​മ​ന്ത്രി നി​ർ​ദേ​ശി​ച്ചു. ഇ​നി​യും വാ​ക്സി​ൻ എ​ടു​ക്കാ​ത്ത​വ​ർ എ​ത്ര​യും പെ​ട്ട​ന്ന് വാ​ക്സി​ൻ എ​ടു​ക്ക​ണം. കോ​വി​ഡ് എ​റ്റ​വും മൂ​ർ​ച്ഛി​ച​പ്പോ​ഴും ന​മ്മു​ടെ ശേ​ഷി​ക്ക​പ്പു​റം രോ​ഗം പോ​യി​ട്ടി​ല്ല. പ​തി​ന​ഞ്ചാം തീ​യ​തി​ക്കു​ള്ളി​ൽ ര​ണ്ടാം ഡോ​സ് പൂ​ർ​ത്തി​യാ​ക്കാ​നാ​ണ് ശ്ര​മ​മെ​ന്നും മു​ഖ്യ​മ​ന്ത്രി പ​റ​യു​ന്നു.

ഉന്നത വിദ്യാഭ്യാസ രംഗത്ത് സമഗ്ര മാറ്റം വേണമെന്ന് പറഞ്ഞ മുഖ്യമന്ത്രി വിദേശ രാജ്യങ്ങളിൽ നിന്ന് കുട്ടികൾ ഇവിടെ പഠിക്കാൻ വരുന്ന സാഹചര്യം ഉണ്ടാകണമെന്നും പറഞ്ഞു. ആരും ജീവിക്കാൻ കൊതിക്കുന്ന നാടാണിത്. 

40 ലക്ഷം പേർക്ക് തൊഴിൽ നൽകുമെന്നും പിണറായി പ്രഖ്യാപിച്ചു. ഇതിന്റെ ആദ്യഘട്ടം ഉടൻ ഉണ്ടാകുമെന്നും വർക്ക് ഫ്രം ഹോമും വർക്ക് നിയർ ഹോമും വ്യാപിപ്പിക്കുമെന്നും മുഖ്യമന്ത്രി പറഞ്ഞു.