അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
മുംബൈ: മഹാരാഷ്ട്രയിൽ ഏഴുപേർക്ക് കൂടി ഒമിക്രോൺ വകഭേദം സ്ഥിരീകരിച്ചു. ഇതോടെ മഹാരാഷ്ട്രയിൽ ഒമിക്രോൺ ബാധിതരുടെ എണ്ണം എട്ട് ആയി.
നാലുപേർ വിദേശത്തുനിന്ന് എത്തിയവരാണ്. അവരുമായി സമ്പർക്കത്തിൽ വന്നവരാണ് മറ്റ് മൂന്നു പേർ.
മഹാരാഷ്ട്രയിലെ താനെയില് ഒമിക്രോണ് സ്ഥിരീകരിച്ചയാള് വാക്സീനെടുത്തിരുന്നില്ല. എന്നാല് ഇദ്ദേഹവുമായി സമ്പർക്കത്തിൽ വന്നവര്ക്കാര്ക്കും രോഗമില്ല.
അതേസമയം, രാജ്യത്താകെ ഒമിക്രോൺ ബാധിതരുടെ എണ്ണം 12 ആയി. മൂന്ന് സംസ്ഥാനങ്ങള്ക്ക് പിന്നാലെ ഡല്ഹിയിലും ഇന്ന് ഒമിക്രോണ് സ്ഥിരീകരിച്ചു. ടാന്സാനിയയില് നിന്നെത്തി ഡല്ഹി എൽഎൻജെപി ആശുപത്രിയില് നിരീക്ഷണത്തിലായിരുന്ന 37കാരനാണ് ഒമിക്രോണ് സ്ഥിരീകരിച്ചത്. 12 പേരുടെ സാമ്പിള് ജനിത ശ്രേണീകരണം നടത്തിയതില് ഒന്നിലാണ് പുതിയ വകഭേദം കണ്ടത്. 5 സാമ്പിളുകളുടെ കൂടി ഫലം വരാനുണ്ട്. ഒമിക്രോണ് ബാധിതന് നേരിയ രോഗലക്ഷണങ്ങളേയുള്ളൂവെന്ന് ആരോഗ്യമന്ത്രി അറിയിച്ചു.
