അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ന്യൂഡൽഹി: ഇത്തവണത്തെ പാര്‍ലമെന്‍റ് സമ്മേളനം നിര്‍ണായകമെന്ന് പ്രധാനമന്ത്രി. ജനഹിതത്തിന് അനുസരിച്ചുള്ള തീരുമാനങ്ങള്‍ എടുക്കും. പാർലമെൻറിൽ ഉയർന്നുവരുന്ന വിഷയങ്ങളിൽ ചർച്ചയ്ക്ക് തയാറെന്ന് പ്രധാനമന്ത്രി. എല്ലാ ചോദ്യങ്ങൾക്കും ഉത്തരം നൽകാൻ സർക്കാർ തയാറാണ്.
രാജ്യതാല്‍പര്യമനുസരിച്ചുള്ള ചര്‍ച്ച പാര്‍ലമെന്‍റില്‍ വേണം. രാജ്യപുരോഗതിക്ക് ഗുണകരമായ തീരുമാനങ്ങളുണ്ടാകണം. പ്രതിപക്ഷത്തിന് വിമർശനമാകാം പക്ഷേ പാർലമെന്റിനെ അവമതിക്കരുത്. പാര്‍ലമെന്‍റില്‍ ബഹളം വയ്ക്കുന്നതിലല്ല കാര്യം. തുറന്ന ചര്‍ച്ച വേണം, ക്രിയാത്മക ഇടപെടല്‍ ഉണ്ടാകണമെന്ന് മോദി പറഞ്ഞു.
കോവിഡ് സാഹചര്യത്തിൽ പാർലമെന്റ് അംഗങ്ങൾ അതീവ ജാഗ്രത പുലർത്തണം. നടക്കാൻ പോകുന്നത്ത് സുപ്രധാന പാർലമെന്റ് സമ്മേളനമെന്ന് പ്രധാനമന്ത്രി പറഞ്ഞു. പാർലമെന്റ് സമ്മേളനം ഫലപ്രദമായി വിയോഗിക്കപ്പെടണമെന്ന് ജനങ്ങൾ ആഗ്രഹിക്കുന്നു. സഭാനാഥനോടുള്ള ബഹുമാനം അംഗങ്ങള്‍ കൈവിടരുതെന്നും പാര്‍ലമെന്‍റിന്‍റെ ശൈത്യകാലസമ്മേളനം തുടങ്ങുന്നതിന് മുമ്പായി അദ്ദേഹം പറഞ്ഞു.
