അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ധ്യാൻ ശ്രീനിവാസൻറെ (Dhyan Sreenivasan) രചനയിൽ നവാഗതനായ ഷഹദ് സംവിധാനം ചെയ്യുന്ന ‘പ്രകാശൻ പറക്കട്ടെ’ (Prakashan Parakkatte) എന്ന ചിത്രത്തിൻറെ ഒഫിഷ്യൽ ടീസർ പുറത്തെത്തി. ധ്യാനിൻറെ അസോസിയേറ്റ് ആയിരുന്നു ഷഹദ്. ദിലീഷ് പോത്തൻ, മാത്യു തോമസ്, അജു വർഗീസ്, സൈജുകുറുപ്പ്, ശ്രീജിത്ത് രവി, ഗോവിന്ദ് വി പൈ, നിഷ സാരംഗ്, ശ്രീജിത്ത് രവിയുടെ മകൻ മാസ്റ്റർ ഋതുൺ ജയ് ശ്രീജിത്ത് രവി തുടങ്ങിയവർക്കൊപ്പം ധ്യാൻ ശ്രീനിവാസൻ ഒരു കഥാപാത്രത്തെ അവതരിപ്പിക്കുന്നുമുണ്ട് ചിത്രത്തിൽ. പുതുമുഖം മാളവിക മനോജ് ആണ് നായിക.
ഫൻറാസ്റ്റിക് ഫിലിംസ്, ഹിറ്റ് മേക്കേഴ്സ് എൻറർടെയ്‍ൻമെൻറ് എന്നീ ബാനറുകളിൽ വിശാഖ് സുബ്രഹ്മണ്യം, ടിനു തോമസ്, അജു വർഗീസ് എന്നിവർ ചേർന്നാണ് നിർമ്മാണം. മനു മഞ്ജിത്, ബി കെ ഹരിനാരായണൻ എന്നിവരുടെ വരികൾക്ക് ഷാൻ റഹ്മാൻറേതാണ് സംഗീതം. ചായാഗ്രഹണം ഗുരു പ്രസാദ്. എഡിറ്റിംഗ് രതിൻ രാധാകൃഷ്ണൻ. പ്രൊഡക്ഷൻ കൺട്രോളർ സജീവ് ചന്തിരൂർ, എക്സിക്യൂട്ടീവ് പ്രൊഡ്യൂസർ കെ ഡബ്ല്യു ടാക്കീസ്, കലാസംവിധാനം ഷാജി മുകുന്ദ്, ചമയം വിപിൻ ഓമശ്ശേരി, വസ്ത്രാലങ്കാരം സുജിത് സി എസ്, സ്റ്റിൽസ് ഷിജിൻ പി രാജ്, പരസ്യകല മനു ഡാവിഞ്ചി, സൗണ്ട് ഷെഫിൻ മായൻ, പ്രൊജക്ട് ഡിസൈനർ ദിൽ ബാബു, ചീഫ് അസോസിയേറ്റ് ഡയറക്ടർ അരുൺ ഡി ജോസ്, അസോസിയേറ്റ് ഡയറക്ടർ രവീഷ് നാഥ്, അസിസ്റ്റന്റ് ഡയറക്ടേഴ്സ് ഷറഫുദ്ദീൻ, വിഷ്‍ണു വിസിഗ, ജോയൽ ജോസഫ്, അഖിൽ, അശ്വിൻ, ഫിനാൻസ് കൺട്രോളർ സുനിൽ ടി എസ്, ഷിബു ഡൺ, പ്രൊഡക്ഷൻ എക്സിക്യൂട്ടീവ്സ് പ്രസാദ് നമ്പിയൻക്കാവ്, സഫി ആയൂർ, വിതരണം ഫൻറാസ്റ്റിക് ഫിലിംസ് റിലീസ്, വാർത്താ പ്രചരണം എ എസ് ദിനേശ്.
