അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ദുബായ്: ട്വന്റി 20 ലോകകപ്പിലെ സൂപ്പർ 12 പോരാട്ടത്തിൽ സ്‌കോട്ട്‌ലൻഡിനെതിരായ തകർപ്പൻ വിജയത്തിനു ശേഷം അവരുടെ ഡ്രസ്സിങ് റൂം സന്ദർശിച്ച് ഇന്ത്യൻ താരങ്ങൾ.
വിരാട് കോലി, രോഹിത് ശർമ, ആർ. അശ്വിൻ, ജസ്പ്രീത് ബുംറ എന്നിവരാണ് ഡ്രസ്സിങ് റൂമിലെത്തി സ്‌കോട്ട്‌ലൻഡ് താരങ്ങളുമായി തങ്ങളുടെ അനുഭവങ്ങൾ പങ്കുവെച്ചത്.
ഇതിന്റെ ചിത്രങ്ങൾ സ്‌കോട്ട്‌ലൻഡ് ക്രിക്കറ്റ് അസോസിയേഷൻ അവരുടെ ട്വിറ്റർ പേജിൽ പങ്കുവെച്ചിട്ടുണ്ട്.
അതേസമയം, സെമി സാധ്യത നിലനിർത്താൻ നെറ്റ് റൺറേറ്റ് ഉയർത്തുന്ന തരത്തിലുള്ള ജയം ലക്ഷ്യമിട്ട് കളത്തിലിറങ്ങിയ ഇന്ത്യ തകർപ്പൻ പ്രകടനമാണ് സ്‌കോട്ട്‌ലൻഡിനെതിരേ പുറത്തെടുത്ത്.
17.4 ഓവറിൽ സ്‌കോട്ട്‌ലൻഡിനെ 85 റൺസിന് ഓൾഔട്ടാക്കിയ ഇന്ത്യ 6.3 ഓവറിൽ രണ്ടു വിക്കറ്റ് നഷ്ടത്തിൽ ലക്ഷ്യത്തിലെത്തുകയും ചെയ്തിരുന്നു. ഇതോടെ അഫ്ഗാനെ മറികടന്ന് ഗ്രൂപ്പിൽ മൂന്നാംസ്ഥാനത്തേക്കുയരാനും ടീമിനായി.
നേരത്തെ നമീബിയക്കെതിരായ മത്സരത്തിനു ശേഷം പാകിസ്താൻ താരങ്ങൾ അവരുടെ ഡ്രസ്സിങ് റൂം സന്ദർശിച്ച് താരങ്ങളെ അഭിനന്ദിച്ചിരുന്നു.
============================================================================ വാര്‍ത്തകള്‍ യഥാസമയം അറിയാന്‍… Join Anweshanam WhatsApp Group: https://chat.whatsapp.com/JHLCbFc9MhbCtdPC6grlJ9 Subscribe Anweshanam Youtube: https://youtube.com/c/Anweshanamlive Follow Anweshanam Google News: https://rb.gy/0tbxgdagain/cid4795157.htm Follow Anweshanam Dailyhunt: https://m.dailyhunt.in/news/india/malayalam/anweshanam-epaper-anwe
