അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
അബുദാബി: ട്വന്‍റി-20 ലോകകപ്പ് സൂപ്പര്‍ 12 ഗ്രൂപ്പ് ഒന്ന് പോരാട്ടത്തിൽ ബംഗ്ലാദേശിനെതിരെ ദക്ഷിണാഫ്രിക്കയ്ക്ക് ആറു വിക്കറ്റിന്‍റെ തകര്‍പ്പന്‍ ജയം. ടോസ് നഷ്ടപ്പെട്ട് ആദ്യം ബാറ്റ് ചെയ്ത ബംഗ്ലാദേശിന് 84 റൺസ് മാത്രമേ എടുക്കാൻ സാധിച്ചുള്ളൂ. ദക്ഷിണാഫ്രിക്ക 13.3 ഓവറിൽ ലക്ഷ്യത്തിലെത്തി.
ദക്ഷിണാഫ്രിക്കയ്ക്ക് വേണ്ടി നായകന്‍ ടെമ്പാ ബവുമ 31 റൺസ് നേടി. ക്വിന്റൺ ഡീക്കോക്ക് 16 ഉം റാസി വാൻ ഡെർ ഡ്യുസൻ 22 റൺസും നേടി.
ബംഗ്ലാദേശിന് വേണ്ടി ടസ്‌കിൻ അഹമദ് രണ്ട് വിക്കറ്റും മെഹ്ദി ഹസൻ, നസൂം അഹമദ് എന്നിവർ ഓരോ വിക്കറ്റും വീഴ്ത്തി.
ആദ്യ ബാറ്റിങ്ങിന് ഇറങ്ങിയ ബംഗ്ലാദേശ് 18.2 ഓവറിൽ 84 റൺസിന് ഓൾ ഔട്ടായി. 27 റൺസെടുത്ത മെഹ്ദി ഹസ്സൻ മാത്രമാണ് ബംഗ്ലാദേശ് ടീമിൽ ഭേദപ്പെട്ട പ്രകടനം കാഴ്ചവെച്ചത്. ലിറ്റൻ ദാസ് 24 റൺസെടുത്തപ്പോൾ ഷമീം ഹുസൈൻ 11 രൺസെടുത്തു.
മൂന്ന് വിക്കറ്റ് വീഴ്ത്തിയ കഗിസോ റബാദയുടെയും ആന്റിച്ച് നോർക്യയുടെയും ബൗളിങ് മികവിനു മുന്നിൽ ബംഗ്ലാദേശ് ബാറ്റ്‌സ്മാൻമാർക്ക് പിടിച്ചു നിൽക്കാനായില്ല. തബ്രിസ് ഷംസി രണ്ടും ഡ്വെയ്ൻ പ്രിട്ടോറിയസ് ഒരു വിക്കറ്റും വീഴ്ത്തി.
============================================================================
വാര്‍ത്തകള്‍ യഥാസമയം അറിയാന്‍…
Join Anweshanam WhatsApp Group: https://chat.whatsapp.com/JHLCbFc9MhbCtdPC6grlJ9
Subscribe Anweshanam Youtube: https://youtube.com/c/Anweshanamlive
Follow Anweshanam Google News: https://rb.gy/0tbxgdagain/cid4795157.htm
Follow Anweshanam Dailyhunt: https://m.dailyhunt.in/news/india/malayalam/anweshanam-epaper-anwe
