അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവനന്തപുരം: ഇ-മൊബിലിറ്റി പദ്ധതിയുമായി സർക്കാർ മുന്നോട്ട്. ഇ-മൊബിലിറ്റി പദ്ധതിക്കു സ്വിറ്റ്സർലന്റ് കമ്പനിയായ ഹെസുമായി ജോയിന്റ് വെഞ്ച്വർ കമ്പനി രൂപീകരിക്കാൻ സർക്കാർ നടപടികൾ ഊർജിതമാക്കി. പദ്ധതിയുമായി ബന്ധപ്പെട്ട് മുഖ്യമന്ത്രി ഇന്ന് വൈകീട്ട് ഒരു സുപ്രധാന യോഗം വിളിച്ചുചേര്ത്തിട്ടുണ്ട്. ഓൺലൈനായാണ് യോഗം.
മുഖ്യമന്ത്രിയുടെ കോണ്ഫറന്സ് റൂമില് നടക്കുന്ന യോഗത്തില് കമ്പനി രൂപവത്കരണവുമായി ബന്ധപ്പെട്ട നടപടികള് തീരുമാനിക്കും. കെഎസ്ആര്ടിസിയും കേരളാ ഓട്ടോമൊബൈല്സ് ലിമിറ്റഡും ഹെസ്സുമായി ചേര്ന്ന ഒരു കമ്പനിയാണ് രൂപവത്കരിക്കുന്നത്. ഒന്നാം പിണറായി സർക്കാരിൻ്റെ അവസാന കാലത്ത് വിവാദത്തിലായ പദ്ധതിക്കാണ് വീണ്ടും ജീവൻ വയ്ക്കുന്നത്.
സ്വിസ് കമ്പനി ഹെസുമായുള്ള കരാറുമായി മുന്നോട്ട് പോകാന് സര്ക്കാര് തീരുമാനം. 6000 കോടി ചിലവില് 4000 ഇ-ബസുകള് നിര്മിക്കുന്നതാണ് പദ്ധതി. കമ്പനിയുടെ 51 ശതമാനം ഓഹരി ഹെസ്സിനായിരിക്കും. സര്ക്കാരും സ്വിസ് കമ്പനിയായ ഹെസും ചേര്ന്ന് സംയുക്ത സംരംഭത്തിലൂടെ 4000 ഇ-ബസുകള് പുറത്തിറക്കുന്ന പദ്ധതിയാണ് ഇ-മൊബിലിറ്റി.
നേരത്തെ കണ്സള്ട്ടന്റായി പ്രൈസ് വാട്ടര് ഹൗസ് കൂപ്പേഴ്സിനെ നിയമിച്ചത് നേരത്തെ വിവാദമായിരുന്നു. ഹെസ് എന്ന കമ്പനിയെ മാത്രം മുൻനിർത്തി സംയുക്ത സംരംഭം ആരംഭിക്കുന്നത് എന്തു മാനദണ്ഡത്തിൻ്റെ അടിസ്ഥാനത്തിലാണെന്ന ചോദ്യം ഉയർത്തിയാണ് പ്രതിപക്ഷം വിമർശനം ഉന്നയിച്ചത്. 2013ലാണ് കേന്ദ്ര സർക്കാർ നാഷണൽ മൊബിലിറ്റി പദ്ധതി കൊണ്ടുവരാനുള്ള ആലോചന തുടങ്ങിയത്.
============================================================================
വാര്ത്തകള് യഥാസമയം അറിയാന്…
Join Anweshanam WhatsApp Group: https://chat.whatsapp.com/JHLCbFc9MhbCtdPC6grlJ9 Subscribe Anweshanam Youtube: https://youtube.com/c/Anweshanamlive Follow Anweshanam Google News: https://rb.gy/0tbxgdagain/cid4795157.htm Follow Anweshanam Dailyhunt: https://m.dailyhunt.in/news/india/malayalam/anweshanam-epaper-anwe
