അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
സൗന്ദര്യം കൊണ്ട് ലോകത്തെ വിസ്മയിപ്പിച്ച താരമാണ് മുൻ ലോക സുന്ദരി ഐശ്വര്യ റായ്. ഇന്ത്യകാർക്ക് സൗന്ദര്യം എന്ന് കേട്ടാൽ അന്നും എന്നും ഐശ്വര്യ റായ് എന്ന പേരാണ് ആദ്യം ചിന്തയിലേക്ക് എത്തുന്നത്.
ആദ്യമായി ലോക സുന്ദരി പട്ടം ഇന്ത്യയിലേക്ക് കൊണ്ടുവന്നതും ഐശ്വര്യയാണ്. മോഡലിങിലൂടെയാണ് ഐശ്വര്യ അഭിനയത്തിലേക്ക് എത്തിയത്. ഇന്ന് ഇന്ത്യൻ സിനിമ ഭരിക്കുന്ന താരങ്ങളുടെ നായികയായി ഐശ്വര്യ തിളങ്ങിയിട്ടുണ്ട്. അതിൽ മലയാളത്തിന്റെ സ്വന്തം മോഹൻലാലും മമ്മൂട്ടിയും വരെ ഉൾപ്പെടുന്നു. ആഷ് എന്ന് ആരാധകർ ഓമനിച്ച് വിളിക്കുന്ന ഐശ്വര്യ നാൽപത്തിയെട്ടിലും യുവത്വത്തിന്റെ പ്രസരിപ്പോടെയാണ് റാമ്ബിലും വെള്ളിത്തിരയിലും എത്തുന്നത്.
അതുകൊണ്ട് തന്നെ ഒട്ടും മങ്ങലേറ്റിട്ടില്ലാത്ത ആ സൗന്ദര്യം ആസ്വദിക്കാൻ ഇന്നും ആരാധകർക്ക് ഇഷ്ടമാണ്. നീണ്ട നാളത്തെ പ്രണയത്തിന് ശേഷമാണ് ബോളിവുഡ് ബിഗ് ബി അമിതാഭ് ബച്ചന്റെ മകനും നടനുമായ അഭിഷേക് ബച്ചനെ ഐശ്വര്യ വിവാഹം ചെയ്തത്.
സിനിമയിൽ തിളങ്ങി നിൽക്കുന്ന സമയത്തായിരുന്നു ഇന്ത്യൻ സിനിമ കാത്തിരുന്ന ആഢംബര താരവിവാഹം നടന്നത്. വിവാഹ ശേഷവും ഐശ്വര്യ അഭിനയ ജീവിതത്തിൽ സജീവമായിരുന്നു. പിന്നീട് മകൾ ജനിച്ചതോടെയാണ് ഐശ്വര്യ സിനിമയിൽ നിന്നും അവധിയെടുത്തത്.
കഴിഞ്ഞ ദിവസം നാൽപത്തിയെട്ടാം പിറന്നാൾ ആഘോഷിച്ച ഐശ്വര്യയ്ക്ക് ലോകത്തെമ്പാടുമുള്ള ആരാധകർ ആശംസകൾ നേർന്നിരുന്നു. ഒപ്പം താരത്തിന്റെ ഭർത്താവ് അഭിഷേക് ബച്ചനും ആശംസകൾ നേർന്നിരുന്നു. മനോഹരമായ വരികൾ കുറിച്ചുകൊണ്ടാണ് പ്രിയ പത്നിക്ക് അഭിഷേക് ആശംസകൾ നേർന്നത്. ‘പിറന്നാൾ ആശംസകൾ ഭാര്യേ…. എല്ലാത്തിനും നന്ദി…. നീ ഞങ്ങളെ ഓർത്ത് ഞങ്ങൾക്ക് വേണ്ടി ചെയ്യുന്ന എല്ലാത്തിനും നന്ദി. നീ എപ്പോഴും പുഞ്ചിരിക്കുകയും സന്തോഷിക്കുകയും ചെയ്യുക. നീ ആണ് ഞങ്ങളെ പൂർണ്ണരാക്കിയത്. ഞങ്ങൾ നിന്നെ സ്നേഹിക്കുന്നു’ എന്നാണ് അഭിഷേക് ബച്ചൻറെ കുറിപ്പുകൾ
ചുവപ്പും കറുപ്പും കലർന്ന പ്രിന്റഡ് ഡ്രസ്സിൽ മനോഹരിയായി നിൽക്കുന്ന ഐശ്വര്യയുടെ സെൽഫി ചിത്രത്തിനൊപ്പമായിരുന്നു അഭിഷേക് ബച്ചന്റെ ആശംസ. ബോളിവുഡിലെ താരങ്ങളും ആരാധകരും അഭിഷേകിന്റെ പോസ്റ്റിന് താഴെ ആശംസകളുമായി എത്തി. പിറന്നാൾ ദിനത്തിൽ ഭർത്താവിനും മകൾ ആരാധ്യയ്ക്കുമൊപ്പം പകർത്തിയ ചിത്രങ്ങൾ ഐശ്വര്യയും പങ്കുവെച്ചിരുന്നു. മകളുടേയും ഭർത്താവിന്റേയും ഒപ്പം നിൽക്കുന്ന ചിത്രം പങ്കുവെച്ചുകൊണ്ട് ഐശ്വര്യ കുറിച്ചത് ഇങ്ങനെയാണ്…’നിങ്ങളെ ഞാൻ അതിരില്ലാതെ സ്നേഹിക്കുന്നു’. ഏറെ നാളത്തെ പ്രണയത്തിന് ശേഷമായിരുന്നു അഭിഷേകിന്റേയും ഐശ്വര്യയുടേയും വിവാഹം.
============================================================================ വാര്ത്തകള് യഥാസമയം അറിയാന്… Join Anweshanam WhatsApp Group: https://chat.whatsapp.com/JHLCbFc9MhbCtdPC6grlJ9 Subscribe Anweshanam Youtube: https://youtube.com/c/Anweshanamlive Follow Anweshanam Google News: https://rb.gy/0tbxgdagain/cid4795157.htm Follow Anweshanam Dailyhunt: https://m.dailyhunt.in/news/india/malayalam/anweshanam-epaper-anwe
