ജോജു ജോര്‍ജ് വിഷയം ഒറ്റപ്പെട്ട സംഭവമാണ്; വഴി തടയല്‍ സമരത്തിനോട് യോജിപ്പില്ല: വി ഡി സതീശന്‍

തിരുവനന്തപുരം: കൊച്ചിയിൽ ഇന്ധനവില വർധനവിനെതിരെ കോണ്‍ഗ്രസ് നടത്തിയ വഴിതടയല്‍ സമരത്തിനോട് വ്യക്തിപരമായി എതിര്‍പ്പാണെന്ന് പ്രതിപക്ഷ നേതാവ് വി ഡി സതീശന്‍. ജോജു ജോര്‍ജ് വിഷയം ഒറ്റപ്പെട്ട സംഭവമാണ്. പാര്‍ട്ടി അന്വേഷിക്കുമെന്നും വാര്‍ത്താസമ്മേളനത്തില്‍ അദ്ദേഹം പറഞ്ഞു.  

ഇന്ധനവിലവര്‍ധനവിനെതിരെ ശക്തമായ സമരം വേണമെന്ന ആവശ്യം ഉയര്‍ന്നിരിക്കുകയാണ്. കൊച്ചിയില്‍ എന്താണ് ഉണ്ടായതെന്ന് അന്വേഷിക്കും. അവിടെ എന്താണ് നടന്നതെന്ന റിപ്പോര്‍ട്ട് കിട്ടിയിട്ടില്ല. എറണാകുളത്തെ നേതാക്കളുമായി ബന്ധപ്പെടാന്‍ സാധിച്ചിട്ടില്ല. ശക്തമായ സമരം നടത്താന്‍ എറണാകുളം ജില്ലാ കോണ്‍ഗ്രസ് കമ്മിറ്റി തീരുമാനിച്ചതിൻ്റെ ഭാഗമായിട്ടാണ് സമരം നടത്തിയത്.

ഒറ്റപ്പെട്ട സംഭവമുണ്ടായി എന്ന വാര്‍ത്ത വന്നപ്പോഴാണ് അറിഞ്ഞത്. അത് സംബന്ധിച്ച വിവരം ശേഖരിക്കും, എന്തായാലും ഇത് സംബന്ധിച്ച് അന്വേഷിക്കും. വ്യക്തിപരമായി വഴിതടയല്‍ സമരത്തിന് എതിരാണ്. അത് എറണാകുളം ജില്ല കോണ്‍ഗ്രസ് കമ്മിറ്റിയെ അറിയിച്ചിരുന്നുവെന്നും വി ഡി സതീശന്‍ പറഞ്ഞു. 

അതേസമയം ഇടപ്പള്ളി-വൈറ്റില ദേശീയ പാതയില്‍ നടന്ന സംഭവത്തില്‍ നടന്‍ ജോജു ജോര്‍ജിനെതിരെ കെപിസിസി അധ്യക്ഷന്‍ കെ സുധാകരന്‍ രംഗത്തെത്തി. ജോജുവിൻ്റെ പ്രതിഷേധം മാന്യതയുടെ അതിര്‍വരമ്പുകള്‍ ലംഘിച്ചെന്ന് കെ സുധാകരന്‍ പറഞ്ഞു. ജോജു ജോര്‍ജ് കാണിച്ചുകൂട്ടിയ അക്രമങ്ങള്‍ ഖേദകരമാണ്. മഹിളാ കോണ്‍ഗ്രസ് പ്രവര്‍ത്തകരോട് തട്ടിക്കയറി. ജോജു ജോര്‍ജിനെതിരെ നടപടിയെടുക്കാന്‍ പോലീസ് തയ്യാറായില്ലെന്നും കെ സുധാകരന്‍ ആരോപിച്ചു.

============================================================================

വാര്‍ത്തകള്‍ യഥാസമയം അറിയാന്‍…

Join Anweshanam WhatsApp Group: https://chat.whatsapp.com/JHLCbFc9MhbCtdPC6grlJ9 Subscribe Anweshanam Youtube: https://youtube.com/c/Anweshanamlive Follow Anweshanam Google News: https://rb.gy/0tbxgdagain/cid4795157.htm Follow Anweshanam Dailyhunt: https://m.dailyhunt.in/news/india/malayalam/anweshanam-epaper-anwe