അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കൊച്ചി; ഇന്ധനവില വർധനയെ തുടർന്ന് സ്കൂൾ ബസ് യാത്രാ നിരക്ക് കൂട്ടേണ്ടി വരുമെന്ന് സിബിഎസ്ഇ സ്കൂളുകളുടെ അസോസിയേഷൻ. സ്കൂളുകൾ തുറക്കുമ്പോഴുള്ള തയ്യാറെടുപ്പുകളും പ്രശ്നങ്ങളും ചർച്ച ചെയ്യാൻ ചേർന്ന സിബിഎസ്ഇ സ്കൂളുകളിലെ പ്രിൻസിപ്പൽമാരുടെയും അധ്യാപകരുടെയും കൂട്ടായ്മയായ കൊച്ചി മെട്രോ സഹോദയ യോഗത്തിലാണ് വിവിധ പ്രശ്ങ്ങൾ സംബന്ധിച്ച വിലയിരുത്തൽ നടത്തിയത്.
സ്കൂൾ ബസുകളുടെ ക്രമീകരണമാണ് വലിയ വെല്ലുവിളി. നിലവിൽ ഒരു സീറ്റിൽ ഇരുത്താവുന്നത് ഒരു കുട്ടിയെയാണ്. കോവിഡ് കാലത്ത് ഓടാതെ കിടന്ന ബസിന്റെ അറ്റകുറ്റ പണികൾക്ക് ഭീമമായ തുകയാണ് ചെലവാകുക. ഇന്ധന വില വർധിച്ചതിനാൽ സ്കൂൾ ബസിന്റെ നിരക്കിലും വർധനയുണ്ടാകും.സ്കൂൾ തുറന്ന ശേഷവും ഓൺലൈൻ ക്ലാസുകൾ തുടരേണ്ടിവരും. ക്ലാസ്സിൽ വരാൻ കഴിയാത്ത വിദ്യാർഥികൾക്ക് വിവിധ ഓൺലൈൻ പ്ലാറ്റഫോമിലൂടെ വീട്ടിലിരുന്ന് സംശയ നിവാരണം നടത്താം. സ്കൂളുകളിൽ വിദ്യാർഥികൾക്ക് കൂടുതൽ സൗഹൃദ അന്തരീക്ഷം ഒരുക്കാൻ വേണ്ട പ്രവർത്തനങ്ങളാകും ആദ്യ മാസങ്ങളിൽ ഉണ്ടാകുകയെന്നും സിബിഎസ്ഇ മാനേജ്മെന്റ് അസോസിയേഷൻ ഭാരവാഹികൾ പറഞ്ഞു.
============================================================================
വാര്ത്തകള് യഥാസമയം അറിയാന്…
Join Anweshanam WhatsApp Group: https://chat.whatsapp.com/JHLCbFc9MhbCtdPC6grlJ9
Subscribe Anweshanam Youtube: https://youtube.com/c/Anweshanamlive
Follow Anweshanam Google News: https://rb.gy/0tbxgdagain/cid4795157.htm
Follow Anweshanam Dailyhunt: https://m.dailyhunt.in/news/india/malayalam/anweshanam-epaper-anwe
