പെരിയാർ തീ​ര​ങ്ങ​ളി​ൽ കനത്ത ജാഗ്രത; വീടുകൾ ഒഴിപ്പിച്ചു

തൊടുപുഴ: മു​ല്ല​പ്പെ​രി​യാ​ർ ഡാം(Mullaperiyar Dam) തുറന്നതോടെ പെ​രി​യാ​റിൻ്റെ തീ​ര​ങ്ങ​ളി​ൽ ക​ന​ത്ത ജാ​ഗ്ര​ത. തീ​ര​ങ്ങ​ളി​ൽ താ​മ​സി​ക്കു​ന്ന​വ​രെ മാ​റ്റി പാ​ർ​പ്പി​ക്കാ​നു​ള്ള ദു​രി​താ​ശ്വാ​സ ക്യാ​മ്പു​ക​ൾ രാ​വി​ലെ തു​റ​ന്നു. പീ​രു​മേ​ട്, ഇ​ടു​ക്കി, ഉ​ടു​മ്പ​ൻ​ചോ​ല താ​ലൂ​ക്കു​ക​ളി​ലെ ഏ​ഴ് വി​ല്ലേ​ജു​ക​ളി​ലാ​യി 20 ക്യാ​മ്പു​ക​ളാ​ണ് തു​റ​ന്ന​ത്.

വ്യാ​ഴാ​ഴ്ച രാ​വി​ലെ ഏ​ഴു മു​ത​ൽ വാ​ഹ​ന​ത്തി​ൽ ഉ​ച്ച​ഭാ​ഷി​ണി​യി​ലൂ​ടെ പെ​രി​യാ​ർ തീ​ര​വാ​സി​ക​ൾ​ക്ക് മു​ന്ന​റി​യി​പ്പ്​ ന​ൽ​കു​ന്നു​ണ്ടാ​യി​രു​ന്നു. സ​ർ​ക്കാ​ർ സ​ജ്ജീ​ക​രി​ച്ച ക്യാ​മ്പു​ക​ളി​ലേ​ക്കോ സു​ര​ക്ഷി​ത സ്ഥ​ല​ങ്ങ​ളി​ലേ​ക്കോ മാ​റ​ണ​മെ​ന്നാ​യി​രു​ന്നു അ​റി​യി​പ്പ്. ആ​ധാ​ർ കാ​ർ​ഡ്, റേ​ഷ​ൻ കാ​ർ​ഡ് അ​ട​ക്കം രേ​ഖ​ക​ളും വ​സ്ത്ര​ങ്ങ​ളും അ​വ​ശ്യ സാ​ധ​ന​സാ​മ​ഗ്രി​ക​ളും ക​രു​ത​ണ​മെ​ന്നും അ​റി​യി​പ്പ്​ ന​ൽ​കി. 

വ്യാ​ഴാ​ഴ്​​ച രാ​വി​ലെ ഉ​പ്പു​ത​റ, അ​യ്യ​പ്പ​ൻ​കോ​വി​ൽ പ​ഞ്ചാ​യ​ത്തു​ക​ളി​ൽ പെ​രി​യാ​ർ തീ​ര​ത്തെ വീ​ടു​ക​ളി​ൽ എ​ത്തി​യും റ​വ​ന്യൂ- പ​ഞ്ചാ​യ​ത്ത് – പോലീ​സ് ഉ​ദ്യോ​ഗ​സ്ഥ​രും ജ​ന​പ്ര​തി​നി​ധി​ക​ളും അ​ട​ങ്ങു​ന്ന സം​ഘം നിർദ്ദേശം ന​ൽ​കി. ഭൂ​രി​ഭാ​ഗം പേ​രും സ​ന്ന​ദ്ധ​രാ​യെ​ങ്കി​ലും മാ​റി​​ലെന്ന് ​പ്ര​തി​ക​രി​ച്ച​വ​രു​മു​ണ്ട്. വ​ഴി​വി​ള​ക്കു​ക​ൾ തെ​ളി​ക്കാ​ത്ത​തി​ലും പെ​രി​യാ​ർ തീ​ര​ത്തെ റോ​ഡു​ക​ൾ സ​ഞ്ചാ​ര​യോ​ഗ്യ​മാ​ക്കാ​ത്ത​തി​ലും ഉ​ദ്യോ​ഗ​സ്ഥ​രോ​ടും ജ​ന​പ്ര​തി​നി​ധി​ക​ളോ​ടും പ​ല​രും ത​ട്ടി​ക്ക​യ​റു​ന്ന സം​ഭ​വ​ങ്ങ​ളും ഉ​ണ്ടാ​യി. വൈ​കീേ​ട്ടാ​ടെ ഭൂ​രി​പ​ക്ഷം പേ​രെ​യും ഒ​ഴി​പ്പി​ച്ചു.

============================================================================

വാര്‍ത്തകള്‍ യഥാസമയം അറിയാന്‍…

Join Anweshanam WhatsApp Group: https://chat.whatsapp.com/JHLCbFc9MhbCtdPC6grlJ9 Subscribe Anweshanam Youtube: https://youtube.com/c/Anweshanamlive Follow Anweshanam Google News: https://rb.gy/0tbxgdagain/cid4795157.htm Follow Anweshanam Dailyhunt: https://m.dailyhunt.in/news/india/malayalam/anweshanam-epaper-anwe