അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവനന്തപുരം: കേരളത്തിലെ വിവിധ സര്ക്കാര് മെഡിക്കല് കോളജുകളില് ഇ ഹെല്ത്ത് സംവിധാനം വിപുലീകരിക്കുന്നതിനായി 10.50 കോടി രൂപയുടെ ഭരണാനുമതി നല്കിയതായി ആരോഗ്യ മന്ത്രി വീണ ജോര്ജ്(Veena George). കോന്നി, ആലപ്പുഴ, കോട്ടയം, ഇടുക്കി, എറണാകുളം, മഞ്ചേരി, കോഴിക്കോട് മെഡിക്കല് കോളജുകള്, ആലപ്പുഴ ഡെന്റല് കോളജ് എന്നിവിടങ്ങളിലെ ഇ ഹെല്ത്ത് പ്രവര്ത്തനങ്ങള്ക്കായാണ് തുക അനുവദിച്ചത്.
വിവര, വിനിമയ സാങ്കേതികവിദ്യ ആരോഗ്യ മേഖലയില് പ്രയോജനപ്പെടുത്തുകയാണ് ഇ ഹെല്ത്തിലൂടെ ചെയ്യുന്നത്. ചികിത്സ, റിസര്ച്ച്, ആരോഗ്യ പ്രവര്ത്തകരുടെ പരിശീലനം, രോഗനിര്ണയം, പൊതുജനാരോഗ്യം നിരീക്ഷിക്കല് എന്നിവയും ഉള്പ്പെടുത്തുന്നു. രോഗിയുടെ രോഗ വിവരങ്ങള് മനസിലാക്കല്, വിവര വിനിമയം, പ്രാഥമിക, ദ്വിതീയ, തൃതീയ മേഖലകള് തമ്മിലും സ്വകാര്യ പൊതുമേഖലകളും തമ്മിലുമുള്ള യോജിച്ച പ്രവര്ത്തനം, മെഡിക്കല് രേഖകളുടെ കമ്പ്യട്ടര് വത്ക്കരണം, മെഡിക്കല് റെക്കാര്ഡുകളുടെ ഡിജിറ്റലൈസേഷന് എന്നിവയും ഉള്പ്പെടുന്നു.
ഒരാള് ഒ പിയിലെത്തി മടങ്ങുന്നതുവരെ എല്ലാ ആരോഗ്യ സേവനങ്ങളും ഇ ഹെല്ത്ത് സംവിധാനത്തിലൂടെ ഒരൊറ്റ കുടക്കീഴില് ഓണ്ലൈന് വഴി ചെയ്യാന് കഴിയുന്നു. ഒ പി ടിക്കറ്റ് എടുക്കാനും മുന് കൂട്ടി ഒ പി ടിക്കറ്റ് ബുക്ക് ചെയ്യാനും ഇതിലൂടെ സാധിക്കും. ഒ പി ക്ലിനിക്കുകള്, ഫാര്മസി, ലബോറട്ടറി, എക്സ്റേ എന്നിങ്ങനെ എല്ലാ സേവനങ്ങള്ക്കും ടോക്കണ് അടിസ്ഥാനത്തിലുള്ള ശാസ്ത്രീയ ക്യൂ മാനേജ്മെന്റ് സമ്പ്രദായം നടപ്പിലാക്കാന് സാധിക്കും. ലാബ് പരിശോധനാക്കുറിപ്പുകളും പരിശോധനാ ഫലവും ഓണ്ലൈനായി നേരിട്ട് ലാബുകളിലും തിരികെ ഡോക്ടര്ക്കും ലഭ്യമാകുന്നു.
വ്യക്തികളുടെ സമഗ്രമായ ആരോഗ്യ രേഖകള് ഇ ഹെല്ത്ത് പദ്ധതി നടപ്പിലാക്കിയ ആശുപത്രികളില് ലഭ്യമാകുന്നതിനാല് കേന്ദ്രീകൃത കമ്പ്യൂട്ടറില് നിന്നും മുന് ചികിത്സാ രേഖകള് ലഭ്യമാക്കി കൃത്യമായ തുടര് ചികിത്സ നിര്ണയിക്കാന് സാധിക്കുന്നു. രോഗികള്ക്ക് തങ്ങളുടെ ചികിത്സാ സംബന്ധിയായ രേഖകള് കൊണ്ടുനടക്കേണ്ട ആവശ്യവും ഇല്ലാതാകുന്നു. ഇതിലൂടെ കടലാസ് രഹിത ആശുപത്രി പ്രവര്ത്തനം സാധ്യമാക്കുന്നു.
============================================================================
വാര്ത്തകള് യഥാസമയം അറിയാന്…
Join Anweshanam WhatsApp Group: https://chat.whatsapp.com/JHLCbFc9MhbCtdPC6grlJ9 Subscribe Anweshanam Youtube: https://youtube.com/c/Anweshanamlive Follow Anweshanam Google News: https://rb.gy/0tbxgdagain/cid4795157.htm Follow Anweshanam Dailyhunt: https://m.dailyhunt.in/news/india/malayalam/anweshanam-epaper-anwe
