തെറ്റു പറ്റി; ചെറിയാന്‍ ഫിലിപ്പ് പാര്‍ട്ടി വിട്ടതിന്‍റെ ഉത്തരവാദിത്വം തനിക്കെന്ന് ഉമ്മന്‍ ചാണ്ടി

തി​രു​വ​ന​ന്ത​പു​രം: ചെ​റി​യാ​ൻ ഫി​ലി​പ്പി​ന് കോ​ൺ​ഗ്ര​സ് വി​ടേ​ണ്ടി വ​ന്ന​തി​ന്‍റെ ഉ​ത്ത​ര​വാ​ദി​ത്തം ത​നി​ക്കാ​ണെ​ന്ന് മു​ൻ മു​ഖ്യ​മ​ന്ത്രി ഉ​മ്മ​ൻ ചാ​ണ്ടി. കോണ്‍ഗ്രസ് നേതൃത്വം ചെറിയാന്‍ ഫിലിപ്പിന് സീറ്റ് ഉറപ്പാക്കാന്‍ ശ്രമിക്കേണ്ടതായിരുന്നു. ഈ തെറ്റ് ആത്മപരിശോധനയ്ക്കുള്ള അവസരമായി കാണണമെന്നും അദ്ദേഹം വ്യക്തമാക്കി. അ​വു​ക്കാ​ദ​ർ​കു​ട്ടി​ന​ഹ പു​ര​സ്കാ​രം ചെ​റി​യാ​ൻ ഫി​ലി​പ്പി​നു സ​മ്മാ​നി​ച്ച ശേ​ഷം പ്ര​സം​ഗി​ക്കു​ക​യാ​യി​രു​ന്നു ഉ​മ്മ​ൻ​ചാ​ണ്ടി.(cherian philip and oommen chandy)

2001-ൽ ​ഞാ​നു​മാ​യി മ​ത്സ​രി​ക്കാ​നു​ള്ള സാ​ഹ​ച​ര്യം ചെ​റി​യാ​ൻ ഫി​ലി​പ്പി​നു​ണ്ടാ​യി. അ​തോ​ടെ ത​നി​ക്കും ചെ​റി​യാ​നു​മാ​യി ഉ​ള്ള സൗ​ഹൃ​ദം ഇ​ല്ലാ​താ​യെ​ന്ന് എ​ല്ലാ​വ​രും വി​ചാ​രി​ച്ച​ത്. അ​ദ്ദേ​ഹ​ത്തോ​ട് വി​ദ്വേ​ഷ​മി​ല്ലെ​ന്നും രാ​ഷ്ട്രീ​യ​ത്തി​ല്‍ ഒ​ന്നും ശാ​ശ്വ​ത​മ​ല്ലെ​ന്നും ഉ​മ്മ​ന്‍ ചാ​ണ്ടി പ​റ​ഞ്ഞു.

ചെ​റി​യാ​ന് ജ​യി​ച്ചു വ​രാ​ൻ പ​റ്റി​യ ഒ​രു സീ​റ്റ് കൊ​ടു​ക്കാ​ൻ ക​ഴി​ഞ്ഞി​ല്ല. അ​തു ത​ന്‍റെ ഭാ​ഗ​ത്ത് നി​ന്നു​ണ്ടാ​യ തെ​റ്റാ​ണ്. ചെ​റി​യാ​ന്‍ ഫി​ലി​പ്പി​ന്‍റെ അ​ക​ല്‍​ച്ച ആ​ത്മ​പ​രി​ശോ​ധ​ന​ക്കു​ള്ള അ​വ​സ​ര​മാ​യെ​ന്നും അ​ദ്ദേ​ഹം കൂ​ട്ടി​ച്ചേ​ര്‍​ത്തു.

ഉമ്മന്‍ ചാണ്ടി തന്റെ രക്ഷാകര്‍ത്താവാണെന്നും ആ രക്ഷാകര്‍തൃത്വം ഇനിയും വേണമെന്നും ചെറിയാന്‍ ഫിലിപ്പ് പ്രതികരിച്ചു. എടുത്തുചാട്ടക്കാരന്റെ എല്ലൊടിച്ചേ വിടൂ എന്ന പഴഞ്ചൊല്ല് തന്റെ കാര്യത്തില്‍ യാഥാര്‍ഥ്യമായെന്നും അദ്ദേഹം വ്യക്തമാക്കി.  

വര്‍ഷങ്ങള്‍ക്കുശേഷമാണ് ഉമ്മന്‍ചാണ്ടിയും ചെറിയാന്‍ ഫിലിപ്പും ഒരേ വേദി പങ്കിടുന്നത്. സിപിഐഎം സഹയാത്രികനായ ചെറിയാന്‍ ഫിലിപ്പ്, സംസ്ഥാനത്തെ മഴക്കെടുതിയിലുള്ള ദുരന്ത നിവാരണ പ്രവര്‍ത്തനങ്ങള്‍ക്കെതിരെ രൂക്ഷമായി വിമര്‍ശിച്ച് രംഗത്തെത്തുകയും സര്‍ക്കാരിനെതിരെ ആരോപണങ്ങള്‍ ഉന്നയിക്കുകയും ചെയ്തിരുന്നു.

മഴക്കെടുതി സംബന്ധിച്ച് സംസ്ഥാന സര്‍ക്കാരിനെ വിമര്‍ശിച്ച ചെറിയാന്‍ ഫിലിപ്പിനെ ഖാദി ബോര്‍ഡ് വൈസ് പ്രസിഡന്റ് സ്ഥാനത്തേക്ക് നിയമിച്ച ഉത്തരവ് സര്‍ക്കാര്‍ റദ്ദാക്കുകയും ചെയ്തിരുന്നു. പദവി വേണ്ടെന്ന് ചെറിയാന്‍ ഫിലിപ്പ് തന്നെ നേരത്തെ പറയുകയും ചെയ്തു.

============================================================================

വാര്‍ത്തകള്‍ യഥാസമയം അറിയാന്‍…

Join Anweshanam WhatsApp Group: https://chat.whatsapp.com/JHLCbFc9MhbCtdPC6grlJ9

Subscribe Anweshanam Youtube: https://youtube.com/c/Anweshanamlive

Follow Anweshanam Google News: https://rb.gy/0tbxgdagain/cid4795157.htm

Follow Anweshanam Dailyhunt: https://m.dailyhunt.in/news/india/malayalam/anweshanam-epaper-anwe