കേ​ര​ള​ത്തി​ൽ പു​തി​യൊ​രു റെ​യി​ൽ​വേ ലൈ​ൻ ആ​വ​ശ്യ​മി​ല്ല; സർക്കാർ നിലപാടിൽ ദുരൂഹതയെന്ന് വി മുരളീധരൻ

തി​രു​വ​ന​ന്ത​പു​രം:​ കേ​ര​ള​ത്തി​ൽ പു​തി​യൊ​രു റെ​യി​ൽ​വേ ലൈ​ൻ ആ​വ​ശ്യ​മി​ല്ലെ​ന്ന് കേ​ന്ദ്ര​മ​ന്ത്രി വി ​മു​ര​ളീ​ധ​ര​ൻ (V muraleedharan).  കെ റെയിൽ പ്രോജക്ടില്‍ (K rail project) വലിയ ദുരൂഹതകൾ നിലനിൽക്കുന്നുണ്ടെന്നും വലിയ തുക വായ്പയെടുത്ത് പദ്ധതി നടപ്പാക്കുമ്പോൾ കടം തിരിച്ചടക്കാനുള്ള പണം എങ്ങനെ കണ്ടെത്തുമെന്ന് സർക്കാർ വ്യക്തമാക്കുന്നില്ലെന്നും കേന്ദ്രമന്ത്രി വി.മുരളീധരൻ പറഞ്ഞു.

സി​ൽ​വ​ർ​ലൈ​ൻ പദ്ധതി ആവശ്യമില്ലെന്നാണ് റെയിൽവേ മന്ത്രാലയത്തിൻ്റെ നിലപാടെന്നാണ് മനസ്സിലാവുന്നത്. എന്നിട്ടും സർക്കാർ പദ്ധതിക്കായി വാശി പിടിക്കുന്നത് എന്തിനാണെന്നറിയില്ല. പദ്ധതിക്കെതിരെ കേന്ദ്രസർക്കാരിൽ സമ്മർദ്ദം ചെലുത്തില്ലെന്നും അദ്ദേഹം വ്യക്തമാക്കി.

നി​ല​വി​ലു​ള്ള ലൈ​നി​ന്‍റെ സാ​ങ്കേ​തി​ക ശേ​ഷി വ​ർ​ധി​പ്പി​ക്കാ​ൻ സാ​ധി​ക്കും. ഈ ​സാ​ഹ​ച​ര്യ​ത്തി​ൽ 34000 കോ​ടി രൂ​പ ക​ട​മെ​ടു​ത്ത് പു​തി​യ പ​ദ്ധ​തി തു​ട​ങ്ങു​ന്ന​തി​ന്‍റെ ഉ​ദ്ദേ​ശ​ശു​ദ്ധി​യെ സം​ശ​യി​ക്ക​ണം. 34000 കോ​ടി​യു​ടെ വി​ദേ​ശ വാ​യ്പ എ​ങ്ങ​നെ എ​ത്ര​കാ​ലം കൊ​ണ്ട് തി​രി​ച്ച​ട​യ്ക്കു​മെ​ന്ന കാ​ര്യ​ത്തി​ലും ആ​സൂ​ത്ര​ണം വേ​ണം. വി​ദ​ഗ്ധ​രു​മാ​യി ആ​ലോ​ചി​ച്ചി​ട്ടാ​ണോ പ​ദ്ധ​തി ആ​വി​ഷ്ക​രി​ക്കു​ന്ന​തെ​ന്ന കാ​ര്യ​ത്തി​ൽ സം​ശ​യ​മു​ണ്ടെ​ന്നും അ​ദ്ദേ​ഹം പ​റ​ഞ്ഞു.

അതേസമയം കെ റെയിൽ പദ്ധതിയുമായി സർക്കാർ മുന്നോട്ട് പോകുമെന്ന് മന്ത്രി വി.അബ്ദുറഹ്മാൻ അറിയിച്ചു. കെ റെയിൽ പദ്ധതിയുടെ സാമ്പത്തികവും സാങ്കേതികവുമായി വശങ്ങളിൽ കേന്ദ്രസർക്കാർ കൂടുതൽ വ്യക്തത തേടിയിട്ടുണ്ട്. വിദഗദ്ധരുമായി കൂടിയാലോചിച്ച ശേഷം കേന്ദ്രസർക്കാരിന് മറുപടി നൽകുമെന്നും മന്ത്രി വ്യക്തമാക്കി.
 

=============================
വാര്‍ത്തകള്‍ യഥാസമയം അറിയാന്‍…

Join Anweshanam WhatsApp Group  
https://chat.whatsapp.com/JHLCbFc9MhbCtdPC6grlJ9

Subscribe Anweshanam Youtube
https://youtube.com/c/Anweshanamlive

Follow Anweshanam Google News
https://rb.gy/0tbxgdagain/cid4795157.htm

Follow Anweshanam Dailyhunt
https://m.dailyhunt.in/news/india/malayalam/anweshanam-epaper-anwe