അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവനന്തപുരം: കുഞ്ഞിനെ ദത്തുനല്കിയ സംഭവത്തില് അനുപമയ്ക്കും അജിത്തിനും എതിരെ അജിത്തിൻ്റെ ആദ്യഭാര്യ നസിയ. പ്രസവിച്ച ശേഷം കുട്ടിയെ ശിശുക്ഷേമ സമിതിക്ക് കൈമാറിയത് അനുപമയുടെ അറിവോടെയാണ്. അനുപമ സമ്മതപത്രം നൽകിയത് താനും കണ്ടിരുന്നെന്നും നാസിയ മാധ്യമങ്ങളോട് പറഞ്ഞു.
തൻ്റെ ഭർത്താവായിരിക്കെയാണ് അജിത്ത് അനുപമയുമായി അടുത്തത്. കുട്ടിയുണ്ടായ ശേഷം ഭീഷണിപ്പെടുത്തിയാണ് വിവാഹമോചനം നേടിയതെന്നും നാസിയ ആരോപിച്ചു. ഒരുകാരണവശാലും ഡിവോഴ്സ് നല്കില്ല എന്ന് താന് പറഞ്ഞതിന് ശേഷമാണ് കുഞ്ഞിനെ ശിശുക്ഷേമ സമിതിയ്ക്ക് നല്കാന് അനുപമ തയ്യാറായത്. അബോധാവസ്ഥയില് അനുമതി എഴുതിവാങ്ങി എന്നത് തെറ്റാണ്. ആ സമയത്ത് അനുപമയ്ക്ക് ബോധമുണ്ടായിരുന്നു. താന് പോയി കണ്ടതാണ്’-നസിയ പറഞ്ഞു.
അതേസമയം ആരോപണം നിഷേധിച്ച് അനുപമ രംഗത്തുവന്നു. ‘തന്നില്നിന്ന് സമ്മതപത്രം എഴുതിവാങ്ങിയ സമയത്ത് അജിത്തിൻ്റെ ആദ്യ ഭാര്യ അവിടെ ഉണ്ടായിരുന്നില്ല. അജിത്തിൻ്റെ മുന് ഭാര്യയുടെ കാര്യമല്ല, കുഞ്ഞിൻ്റെ വിഷയമാണ് ഉയര്ത്തുന്നത്. വിഷയത്തില് നിന്ന് മാറ്റാനാണ് നസിയയെ ഇതിലേക്ക് വലിച്ചിടുന്നത്. അജിത്തിന് ഡിവോഴ്സ് കൊടുക്കരുതെന്ന് തൻ്റെ മാതാപിതാക്കള് പലപ്പോഴും നസിയയോട് പറഞ്ഞിരുന്നു’-അനുപമ പറഞ്ഞു.
