അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മലയാള ഭാഷ പിതാവ് തുഞ്ചത്ത് എഴുത്തച്ഛന്റെ ജീവചരിത്രം സിനിമയാവുന്നു. ‘തുഞ്ചത്ത് രാമാനുജൻ എഴുത്തച്ഛൻ’ എന്ന് പേരിട്ടിരിക്കുന്ന ചിത്രം കഥയെഴുതി സംവിധാനം ചെയ്യുന്നത് സജിന്ലാല് ആണ്. ചിത്രത്തിന്റെ ടൈറ്റില് പോസ്റ്റർ റിലീസ് ചെയ്തു. മലയാളത്തിലെ പ്രമുഖരായ ഇരുപതോളം പേരുടെ സോഷ്യൽ മീഡിയ പേജുകളിലൂടെയാണ് പോസ്റ്റർ റിലീസ് ചെയ്തത്.
എഴുത്തച്ഛന്റെ ജീവിതകാലം കൂടുതലും ഗാനങ്ങളിലൂടെയാണ് വര്ണിക്കുന്നത്. കുറച്ചു നാളുകള്ക്കു ശേഷമാണ് മലയാളത്തില് സംഗീതത്തിന് പ്രാധാന്യം നല്കിക്കൊണ്ട് ഒരു ചിത്രം ഒരുങ്ങുന്നത്. അഞ്ചു ഗാനങ്ങളാണ് സിനിമയില് ഉള്പ്പെടുത്തിയിട്ടുള്ളത്. അടുത്ത വർഷം ജനുവരിയിലാണ് സിനിമയുടെ ചിത്രീകരണം ആരംഭിക്കുക.
ഇതിലെ അഭിനേതാക്കളെയും മറ്റു അണിയറ പ്രവര്ത്തകരെയും കുറിച്ച് പിന്നീട് അറിയിക്കുമെന്ന് സംവിധായകന് സജിന്ലാല് അറിയിച്ചു. ക്രയോണ്സ്, താങ്ക് യു വെരിമച്ച്, ഹന്ന തുടങ്ങിയ ചിത്രങ്ങള്ക്കു ശേഷമാണ് സജിന്ലാല് പുതിയ സിനിമയുമായി എത്തുന്നത്. ആപ്പിള് ട്രീ സിനിമാസിന്റെ ബാനറിലാണ് ചിത്രം നിര്മിക്കുന്നത്.
