അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ലിജിൻ ജോസ് സംവിധാനം ചെയ്യുന്ന ചേര എന്ന പുതിയ ചിത്രത്തിന്റെ ഫസ്റ്റ് ലുക്ക് പുറത്തുവിട്ടു. നിമിഷ സജയൻ, റോഷൻ മാത്യു എന്നിവർ കേന്ദ്രകഥാപാത്രങ്ങളെ അവതരിപ്പിക്കുന്ന ചിത്രത്തിന്റെ പോസ്റ്ററാണ് പുറത്തുവിട്ടത്. മൈക്കലാഞ്ജലോയുടെ ലോകപ്രശസ്ത ശില്പമായ പിയത്തയെ ഓര്മിപ്പിക്കുന്ന തരത്തിലാണ് ഫസ്റ്റ് ലുക്ക് പോസ്റ്റർ ഡിസൈൻ ചെയ്തിരിക്കുന്നത്.
ഫ്രൈഡേ, ലോ പോയന്റ് എന്നീ ചിത്രങ്ങള്ക്ക് ശേഷം ലിജിന് ജോസ് സംവിധാനം ചെയ്യുന്ന ചിത്രമാണ് ചേര. നജീം കോയയുടേതാണ് തിരക്കഥ. ലൈന് ഓഫ് കളേഴ്സിന്റെ ബാനറില് അരുണ് എം.സിയാണ് ചിത്രം നിര്മിക്കുന്നത്.
അന്വര് അലിയുടെ വരികള്ക്ക് ഷഹബാസ് അമന് സംഗീതം പകരുന്നു. അജോയ് ജോസ് ആണ് പശ്ചാത്തല സംഗീതം നിര്വഹിക്കുന്നത്. അലക്സ് ജെ പുളിക്കല് ക്യാമറയും ഫ്രാന്സീസ് ലൂയിസ് എഡിറ്റിങ്ങും നിര്വഹിക്കുന്നു.
