അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ന്യൂഡൽഹി: രാജ്യത്ത് കഴിഞ്ഞ 24 മണിക്കൂറിനിടെ 35,178 പേര്‍ക്ക് കോവിഡ് സ്ഥിരീകരിച്ചു. കഴിഞ്ഞ 24 മണിക്കൂറിനിടെ മാത്രം 37,169 പേര്‍ രോഗമുക്തി നേടി. 440 പേര്‍ കോവിഡ് ബാധിച്ച് മരിച്ചതായും കേന്ദ്ര ആരോഗ്യ മന്ത്രാലയം അറിയിച്ചു.
രാജ്യത്തുടനീളം 3,22,85,857 പേര്‍ക്കാണ് ഇതുവരെ കോവിഡ് പിടിപെട്ടത്. ഇതില്‍ 3,14,85,923 പേരും ഇതിനോടകം രോഗമുക്തരായി. 3,67,415 പേരാണ് നിലവില്‍ വിവിധ സംസ്ഥാനങ്ങളിലായി ചികിത്സയില്‍ തുടരുന്നത്. 4,32,519 പേരുടെ ജീവന്‍ ഇതുവരെ കോവിഡ് കവര്‍ന്നു.
രാജ്യത്തുടനീളം 56,06,52,030 ഡോസ് കോവിഡ് വാക്‌സിന്‍ ഇതുവരെ വിതരണം ചെയ്തു. കഴിഞ്ഞദിവസം മാത്രം 55,05,075 ഡോസ് കോവിഡ് വാക്സിൻ വിതരണം ചെയ്തു. ഇതുവരെ 49,84,27,083 സാമ്പിളുകൾ പരിശോധിച്ചതായി ഐസിഎംആർ അറിയിച്ചു.
