അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
കാബൂള്: കാബൂളിലെ ജയില് കീഴടക്കി ആയിരക്കണക്കിന് തടവുകാരെ തുറന്നുവിട്ട് താലിബാന്. തുറന്നുവിട്ടവരില് മുന് ഇസ്ലാമിക് സ്റ്റേറ്റ്, അല്ക്വയ്ദ ഭീകരരും ഉണ്ടെന്നാണ് അന്തർദേശീയ മാധ്യമങ്ങൾ റിപ്പോര്ട്ട് ചെയ്യുന്നത്. ജയിലില് നിന്നും ആയിരക്കണക്കിന് പേര് പുറത്തുവരുന്ന ദൃശ്യങ്ങള് ഇതിനകം സോഷ്യല് മീഡിയയില് പ്രചരിക്കുന്നുണ്ട്.
കാബൂളിന് 25 കിലോമീറ്റര് അകലെയുള്ള ബാഗ്രമിലെ സൈനിക ജയില് പിടിച്ചെടുത്താണ് താലിബാന് തടവുകാരെ മോചിപ്പിച്ചത്. അഫ്ഗാനിലെ ഏറ്റവും വലിയ യുഎസ് എയര്ബേസായിരുന്നു ബാഗ്രം. യുഎസ് സൈന്യത്തിനായിരുന്നു ജയിലിന്റെ ചുമതല.
അഫ്ഗാനില് നിന്ന് യുഎസ് പിന്മാറിയതോടെ ജയിലിന്റെ നിയന്ത്രണം ജൂലൈ ഒന്നിന് അഫ്ഗാന് ഗവണ്മെന്റിന് കൈമാറിയിരുന്നു. സ്വതന്ത്രരാക്കിയ 5000 തടവുകാരും താലിബാന് മുന്നില് കീഴടങ്ങി. അഫ്ഗാനിലെ മുക്കാല് ഭാഗം ജില്ലകളും ഇപ്പോള് താലിബാന് നിയന്ത്രണത്തിലാണ്.
അതേസമയം, കാബൂളിൽ പ്രസിഡണ്ടിന്റെ കൊട്ടാരത്തിൽ താലിബാൻ പതാക ഉയർത്തി . ഇനി ഇസ്ലാമിക ഭരണമെന്ന് പ്രഖ്യാപനവും നടത്തി. ഇസ്ലാമിക് എമിറേറ്റ് ഓഫ് അഫ്ഗാനിസ്ഥാന് ഉടന് പ്രഖ്യാപിക്കും
