അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ആലപ്പുഴ:ജി സുധാകരൻ പൊതുമരാമത്ത് മന്ത്രിയായിരിക്കെ നടത്തിയ ദേശീയപാത പുനർനിർമാണത്തിൽ വിജിലൻസ് അന്വേഷണം ആവശ്യപ്പെട്ട് എ.എം ആരിഫ് എംപി.ദേശീയപാത 66 ൽ അരൂർ മതൽ ചേർത്തല വരെ (23.6 KM)പുനർനിർമിച്ചതിൽ ക്രമക്കേട് ഉണ്ടെന്നും ഇതിൽ വിജിലൻസ് അന്വേഷണം വേണമെന്നും കുറ്റക്കാർക്കെതിരെ നിയമനടപടിയെടുക്കണമെന്നും ആരോപിച്ച് പൊതുമരാമത്ത് മന്ത്രി മുഹമ്മദ് റിയാസിന് കത്ത് അയച്ചു.
മൂന്നുവര്ഷം ഗ്യാരണ്ടിയോടെ നിര്മിച്ച റോഡിന് നിലവാരം ഇല്ലെന്നും റോഡില് ഉടനീളം കുഴികള് രൂപപ്പെടുന്നെന്നും കത്തിൽ പറയുന്നു. 2019ലാണ് ദേശീയപാതയുടെ പുനര്നിര്മാണം നടന്നത്. അന്ന് ജര്മന് സാങ്കേതികവിദ്യ ഉപയോഗിച്ചായിരുന്നു നിര്മാണം.36 കോടി രൂപ ചിലവിട്ട് നടത്തിയ റോഡ് നിര്മാണത്തില് സാരമായ ക്രമക്കേട് നടന്നിട്ടുണ്ടെന്ന് സംശയിക്കുന്നു. വിഷയത്തില് വിജിലന്സ് അന്വേഷണം നടത്തി കുറ്റക്കാക്കാരെ കണ്ടെത്തണമെന്നും ആലപ്പുഴ എംപി എഎം ആരിഫ് കുറ്റപ്പെടുത്തുന്നു.
