അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവനന്തപുരം: ഡോക്ടര്മാര്ക്കും മറ്റ് ആരോഗ്യ പ്രവര്ത്തകര്ക്കുമെതിരെയുള്ള അക്രമങ്ങളില് നടപടികള് ശക്തമാക്കുന്നതിന്റെ ഭാഗമായി ആരോഗ്യ വകുപ്പ് ഡയറക്ടര്ക്കും ആരോഗ്യ വിദ്യാഭ്യാസ വകുപ്പ് ഡയറക്ടര്ക്കും പൊതു നിര്ദേശങ്ങള് നല്കി ഉത്തരവ് പുറപ്പെടുവിച്ചതായി ആരോഗ്യമന്ത്രി വീണ ജോര്ജ്.അടുത്തിടെ ഡോക്ടര്മാര്ക്കും മറ്റ് ആരോഗ്യ പ്രവര്ത്തകര്ക്കുമെതിരെയുള്ള അക്രമങ്ങള് കൂടുതലായി റിപ്പോര്ട്ട് ചെയ്തിരുന്നു. ഡോക്ടര്മാര്ക്ക് ജോലി നിര്വഹിക്കാന് എല്ലാ സൗകര്യവും സര്ക്കാര് ഒരുക്കുമെന്നും മന്ത്രി വ്യക്തമാക്കി.
സർക്കാർ ആശുപത്രികളിലെ അത്യാഹിത വിഭാഗത്തിലും ഒ പി യിലും സി സി ടി വി സ്ഥാപിക്കും. എല്ലാ ആശുപത്രികളിലെയും കാഷ്വാലിറ്റയിൽ നിർബന്ധമായും സെക്യൂരിറ്റി ഉണ്ടാകണം. ഇനി നിയമിക്കുന്ന സെക്യൂരിറ്റി ജീവനക്കാർ വിമുക്ത ഭടന്മാർ ആയിരിക്കണം. പാരാമെഡിക്കൽ സ്റ്റാഫിനും സെക്യൂരിറ്റി പരിശീലനം നൽകണമെന്നും ആരോഗ്യമന്ത്രി അറിയിച്ചു.
