അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ടോക്യോ:ടോക്യോ ഒളിമ്പിക്‌സില്‍ ഇന്ത്യയ്ക്ക് വീണ്ടും തിരിച്ചടി. വനിതാ ഡബിള്‍സില്‍ പ്രതീക്ഷകളോടെ സാനിയ മിര്‍സ അങ്കിത റെയ്‌ന സഖ്യം ആദ്യ റൗണ്ടില്‍ പുറത്ത്. യുക്രൈന്റെ ല്യൂഡ്യല കിച്ചനോക്ക് നാദിയ കിച്ചനോക്ക് സഖ്യത്തോടാണ് ഇന്ത്യന്‍ സഖ്യം പരാജയപ്പെട്ടത്.
ആദ്യ സെറ്റ് അനായാസം നേടിയ ശേഷമാണ് സാനിയയും അങ്കിതയും ഞെട്ടിക്കുന്ന തോല്‍വി ഏറ്റുവാങ്ങിയത്. ആദ്യ സെറ്റില്‍ ഒരു പോയന്റ് പോലും എതിരാളികള്‍ക്ക് നല്‍കാതെ അനായാസ വിജയത്തിലേക്ക് നീങ്ങുകയായിരുന്ന ഇന്ത്യന്‍ ടീമിനെ അവിശ്വസനീയമായ തിരിച്ചുവരവ് നടത്തിക്കൊണ്ട് യുക്രൈന്‍ സംഘം കീഴടക്കുകയായിരുന്നു. രണ്ടാം സെറ്റ് ടൈബ്രേക്കറിലൂടെ 7-6 ന് സ്വന്തമാക്കിയ യുക്രൈന്‍ മൂന്നാം സെറ്റിലും ആ മികവ് തുടര്‍ന്നു. ഇതോടെ ഇന്ത്യയുടെ വനിതാ ഡബിള്‍സ് ടെന്നീസിലെ പ്രതീക്ഷകള്‍ അവസാനിച്ചു.
