അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അമ്പെയ്ത്ത് ലോകകപ്പിൽ ഇന്ത്യന്‍ വനിതാ സംഘത്തിന് സ്വര്‍ണം. പാരിസിൽ നടക്കുന്ന ലോകകപ്പ് സ്റ്റേജ് ത്രീയിൽ റിക്കർവ് വിഭാഗത്തിലാണ് ഇന്ത്യയുടെ നേട്ടം. കോമളിക ബാരി, ദീപിക കുമാരി, അങ്കിത ഭക്ത് എന്നിവരടങ്ങുന്ന സംഘമാണ് നേട്ടം കൈവരിച്ചിരിക്കുന്നത്.
ഫൈനലിൽ ഇന്ത്യ മെക്സികോയെ 5 – 1 ന് തോൽപ്പിച്ചു.
ഈ വർഷത്തെ ലോകകപ്പിൽ തുടർച്ചയായ രണ്ടാമത്തെ സ്വർണ്ണ മെഡലാണിത്. രണ്ട് മാസം മുമ്പ് ഗ്വാട്ടിമലയിൽ നടന്ന മത്സരത്തിൽ ഇതേ എതിരാളികളെ കീഴടക്കി ഇന്ത്യ സ്വർണം നേടിയിരുന്നു. 2011-ൽ ഷാങ്ഹായ്, 2013-ൽ മെഡലിൻ, 2013-ൽ വ്രോക്ലോ, 2014-ൽ വ്രോക്ലോ എന്നിവയാണ് ഇതിന് മുമ്പ് ഇന്ത്യ സ്വർണമെഡൽ നേടിയ ലോകകപ്പുകൾ.
