അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.തിരുവനന്തപുരം: കോവിഡ് രൂക്ഷമായിരിക്കുന്ന മലപ്പുറത്തിനായി ആക്ഷന്‍ പ്ലാന്‍ നടപ്പിലാക്കുമെന്ന് മുഖ്യമന്ത്രി പിണറായി വിജയന്‍. തിങ്കള്‍, ചൊവ്വ ദിവസങ്ങളില്‍ അവിടെ 75,000 പരിശോധന നടത്തും. കൂടുതല്‍ പോലീസുകാരെ ജില്ലയില്‍ നിയമിക്കുമെന്നും അദ്ദേഹം പറഞ്ഞു.
നിലവിലെ നിയന്ത്രണം ഫലപ്രദമായി നടപ്പിലാക്കാന്‍ ജില്ലാ ഭരണ സംവിധാനത്തിന്‍റെയും പോലീസിന്‍റെയും നേതൃത്വത്തില്‍ കര്‍ശനമായ പരിശോധന നടക്കുന്നുണ്ട്. നിയന്ത്രണങ്ങള്‍ ലംഘിക്കുന്നവര്‍ക്കെതിരെ നിയമാനുസൃതമുള്ള എല്ലാ നടപടികളും സ്വീകരിക്കാന്‍ പൊലീസിന് നിര്‍ദ്ദേശം നല്‍കിയിട്ടുണ്ട്.
ക്രമസമാധാന വിഭാഗം എഡിജിപി, ഉത്തരമേഖലാ ഐജി എന്നിവര്‍ മലപ്പുറത്ത് ക്യാമ്പ് ചെയ്യുന്നുണ്ടെന്നും മുഖ്യമന്ത്രി പറഞ്ഞു.
തിരുവനന്തപുരം,എറണാകുളം, തൃശൂര്‍ ജില്ലകളിലെ ട്രിപ്പിള്‍ ലോക്ക്ഡൗണ്‍ ഇന്ന് രാവിലെ പിന്‍വലിച്ചു. മലപ്പുറം ജില്ലയില്‍ ട്രിപ്പിള്‍ ലോക്ക്ഡൗണും ബാക്കി എല്ലാ ജില്ലകളിലും ലോക്ക്ഡൗണുമാണ് ഇപ്പോള്‍ നിലവിലുള്ളത്. മുഖ്യമന്ത്രി പറഞ്ഞു.
