അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവനന്തപുരം: മുന്മന്ത്രിയും മുതിര്ന്ന രാഷ്ട്രീയനേതാവുമായ കെ ആര് ഗൗരിയമ്മയുടെ ആരോഗ്യനില അതീവഗുരുതരം. ഗൗരിയമ്മയെ വീണ്ടും തീവ്രപരിചരണ വിഭാഗത്തിലേക്ക് മാറ്റി.
കഴിഞ്ഞ മാസം 22 ന് പനിയും മൂത്രാശയ സംബന്ധമായ രോഗവും മൂലമാണ് ഗൗരിയമ്മയെ തിരുവനന്തപുരം പിആര്എസ് ആശുപത്രിയില് പ്രവേശിപ്പിച്ചത്.
കഴിഞ്ഞ ദിവസങ്ങളില് ആരോഗ്യനിലയില് പുരോഗതിയുണ്ടായിരുന്നു. അത്യാഹിത വിഭാഗത്തിൽ ചികിത്സയിലായിരുന്ന അവരുടെ ആരോഗ്യനിലയിൽ പുരോഗതിയുണ്ടായതിനാൽ മുറിയിലേക്ക് മാറ്റിയിരുന്നു. വീണ്ടും സ്ഥിതി ഗുരുതരമായതിനെ തുടർന്നാണ് ഐസിയുവിൽ പ്രവേശിപ്പിച്ചത്.
102 വയസുള്ള ഗൗരിയമ്മ ഏപ്രില് ആദ്യം ആലപ്പുഴയില്നിന്ന് തിരുവനന്തപുരത്തെ ബന്ധുവീട്ടിലേക്ക് താമസം മാറ്റിയിരുന്നു.
