അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അഹമ്മദാബാദ്: ഐ.പി.എല്ലില്‍ കൊൽക്കത്ത നൈട് റൈഡേഴ്സിനെതിരെ ഡൽഹി ക്യാപിറ്റൽസിന് 7 വിക്കറ്റിന്‍റെ ജയം. കൊൽക്കത്ത ഉയർത്തിയ 155 റൺസ് വിജയലക്ഷ്യം 16.3 ഓവറിൽ 3 വിക്കറ്റ് നഷ്ടപ്പെടുത്തി ഡൽഹി മറികടക്കുകയായിരുന്നു. 82 റൺസെടുത്ത പൃഥ്വി ഷാ ആണ് ഡൽഹിക്ക് അനായാസ ജയമൊരുക്കിയത്. ശിഖർ ധവാൻ (46) റൺസ് നേടി. കൊൽക്കത്തക്കായി പാറ്റ് കമ്മിൻസ് മൂന്ന് വിക്കറ്റ് വീഴ്ത്തി.
ഓപ്പണിങ് വിക്കറ്റില്‍ ഷായും ശിഖര്‍ ധവാനും ചേര്‍ന്ന് 132 റണ്‍സിന്റെ കൂട്ടുകെട്ടുണ്ടാക്കി ഡല്‍ഹി ഇന്നിങ്‌സിന് അടിത്തറ പാകി. 83 പന്തിലായിരുന്നു 132 റണ്‍സ്. ധവാന്‍ നാലു ഫോറും ഒരു സിക്‌സും സഹിതം 47 പന്തില്‍ 46 റണ്‍സ് നേടി. ഋഷഭ് പന്ത് എട്ടു പന്തില്‍ 16 റണ്‍സെടുത്ത് പുറത്തായി. മൂന്നു പന്തില്‍ ആറു റണ്‍സോടെ മാര്‍ക്കസ് സ്‌റ്റോയിന്‍സും ഒരു പന്തു നേരിട്ട് ഷിമ്രോണ്‍ ഹെറ്റ്‌മെയറും പുറത്താകാതെ നിന്നു.
നേരത്തെ ടോസ് നഷ്ടപ്പെട്ട് ബാറ്റിങ്ങിനിറങ്ങിയ കൊല്‍ക്കത്ത നിശ്ചിത ഓവറില്‍ കൊല്‍ക്കത്ത ആറു വിക്കറ്റ് നഷ്ടത്തില്‍ 154 റണ്‍സെടുത്തു. 27 പന്തില്‍ 45 റണ്‍സുമായി പുറത്താകാതെ നിന്ന ആന്ദ്രെ റസ്സലാണ് കൊല്‍ക്കത്തയുടെ ടോപ്പ് സ്‌കോറര്‍. ശുഭ്മാന്‍ ഗില്‍ 38 പന്തില്‍ 43 റണ്‍സെടുത്തു. ഇയാന്‍ മോര്‍ഗനും സുനില്‍ നരെയ്നും പൂജ്യത്തിന് പുറത്തായി.
നിധീഷ് റാണ 15 റണ്‍സെടുത്തപ്പോള്‍ രാഹുല്‍ ത്രിപദി 19 റണ്‍സ് നേടി. 14 റണ്‍സെടുത്ത ദിനേശ് കാര്‍ത്തിക് വിക്കറ്റിന് മുന്നില്‍ കുരുങ്ങി. പാറ്റ് കമ്മിന്‍സ് 11 റണ്‍സോടെ പുറത്താകാതെ നിന്നു. നേരത്തെ ഒരു ഘട്ടത്തില്‍ കൊല്‍ക്കത്തയ്ക്ക് 82 റണ്‍സെടുക്കുന്നതിനിടയില്‍ അഞ്ച് വിക്കറ്റ് നഷ്ടമായിരുന്നു. പിന്നീട് റസസലിന്റെ ബാറ്റിങ് കൊല്‍ക്കത്തയുടെ സ്‌കോറിങ് വേഗത കൂട്ടി. അവസാന അഞ്ച് ഓവറില്‍ 59 റണ്‍സാണ് കൊല്‍ക്കത്ത നേടിയത്.അടിച്ച് തകര്‍ത്ത് ധവാനും പൃഥ്വി ഷായും; ഡൽഹിക്ക് കൂറ്റൻ ജയം
