അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.തിരുവനന്തപുരം ; നഗരത്തിന്റെ സൗന്ദര്യവത്കരണത്തിന് വേണ്ടി ടൂറിസം വകുപ്പും, ഡിറ്റിപിസിയും പ്രാവർത്തകമാക്കിയ ആർട്ടീരിയ എന്ന ചുവർ ചിത്ര പദ്ധതി ഇനി മുതൽ നഗരത്തിന്റെ പുറത്തേക്കും, 2015 ൽ ആരംഭിച്ച ആർട്ടീരിയ പാളയം യൂണിവേഴ്സിറ്റി സ്റ്റേഡിയത്തിന്റെ ചുറ്റുമതിൽ, ടൂറിസം വകുപ്പിന്റെ കാര്യാലയത്തിലെ ചുറ്റുമതിൽ, കോർപ്പറേഷൻ കെട്ടിടം, മ്യൂസിയം ചുറ്റുമതിൽ, കനകക്കുന്ന് കൊട്ടാരത്തിന്റെ മുൻവശത്തെ ചുറ്റുമതിൽ, മാസ്കോട്ട് ഹോട്ടലിന്റെ ചുറ്റുമതിൽ, പാളയം ചന്ദ്രശേഖരൻ നായർ സ്റ്റേഡിയത്തിന്റെ ചുറ്റുമതിൽ എന്നിവിടങ്ങളിൽ ഏതാണ്ട് 25000 ലധികം ചതുരശ്ര അടി വിശാലമായ ഈ പദ്ധതി ഇന്ത്യയിലെ തന്നെ ഇത്തരത്തിലുള്ള ഏറ്റവും വലിയ ചിത്രസമുച്ചയത്തിൽ ഒന്നാണ്. 2015, 2016 വർഷങ്ങളിലെ രണ്ട് ഘട്ടങ്ങളിലുമായി പ്രശസ്തരായ 25 ഓളം ചിത്രകാരന്മാരുടെ രചനകളാണ് ഈ പദ്ധതിയിൽ ഉൾപ്പെടുത്തിയത്. ഇൻഡ്യയിലെ പ്രശസ്ത ചിത്രകാരനായ അന്തരിച്ച കെ ജി സുബ്രമണ്യത്തിന്റെ ഒരു ബ്രഹത് ചിത്രം ചിത്രകാരന്റെ നേരിട്ടുള്ള മേൽനോട്ടമില്ലാതെ തന്നെ മിഴിവോടെ രചിക്കുന്നതിനും ആർട്ടീരിയയ്ക്ക് കഴിഞ്ഞു. കാലപ്പഴക്കവും വെയിലിന്റെയും മഴയുടെയും ഇടവിട്ടുള്ള ആഘാതവും ഈ ചിത്രങ്ങൾക്ക് ഏൽപ്പിച്ച മങ്ങൽ 2020-21 ലായി നടത്തിയ നവീകരണത്തിലൂടെ മാറ്റിയെടുത്ക്കുകയും ചെയ്തു.
ഇതോടൊപ്പം നഗരത്തിന്റെ കൂടുതൽ ഭാഗങ്ങളിലേക്ക് ആർട്ടീരിയ വ്യാപിപ്പിക്കുവാൻ ടൂറിസം വകുപ്പ് തീരുമാനിച്ചതിന്റെ അടിസ്ഥാനത്തിൽ ആതാണ്ട് 30000 ഓളം ചതുരശ്ര അടിയിലേക്കാണ് 2021 മത് എഡിഷനിൽ ആർട്ടീരിയ ലക്ഷ്യമിടുന്നത്. ടൂറിസം വകുപ്പ്,, ഡി റ്റി പി സി, സ്റ്റീൽ ഇൻഡസ്ട്രിയൽസ് കേരള ലിമിറ്റഡ് എന്നിവരുടെ നേതൃത്വത്തിലാണ് 2021 എഡിഷൻ നടപ്പിലാക്കുന്നത്. ഇതിന്റെ ഔപചാരികമായ ഉദ്ഘാടനം ഫെബ്രു‌വരി 26, വെള്ളിയാച രാവിലെ 11 മണിക്ക് ആക്കുളം ബൈപാസിലെ, കുഴിവിള ജംഗ്ഷനിൽ വച്ച് ടൂറിസം വകുപ്പ് മന്ത്രി കടകംപള്ളി സുരേന്ദ്രൻ നിർവഹിക്കുന്നു.
