അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം; 25 മത് സംസ്ഥാന സീനിയർ , ജൂനിയർ വിഭാഗം സോഫ്റ്റ് ബോൾ ചാമ്പ്യൻഷിപ്പ് ഫെബ്രുവരി 28, മാർച്ച് 1 തീയതികളിൽ തിരുവനന്തപുരം സെൻട്രൽ സ്റ്റേഡിയത്തിൽ വെച്ച് നടക്കും.
കൊവിഡ് പശ്ചാത്തലത്തിൽ നാല് സോണുകളിൽ വെച്ച് നടന്ന മത്സരങ്ങളിൽ വിജയിച്ച ടീമുകളാണ് ഫൈനൽ ലീഗ് റൗണ്ട് മത്സരത്തിൽ ഏറ്റുമുട്ടുന്നത്. ഫെബ്രുവരി 28ന് ജൂനിയർ ആൺകുട്ടികളുടെ വിഭാഗത്തിൽ വയനാട്, കോട്ടയം, തിരുവനന്തപുരം, മലപ്പുറം ടീമുകളും, പെൺകുട്ടികളുടെ വിഭാഗത്തിൽ വയനാട്, കോട്ടയം, തിരുവനന്തപുരം, മലപ്പുറം ടീമുകളും തമ്മിൽ ഏറ്റുമുട്ടും.
മാർച്ച് 1 ന് സീനിയർ പുരുഷ വിഭാഗത്തിൽ കോഴിക്കോട്, പത്തനംതിട്ട, മലപ്പുറം, ആലപ്പുഴ, ടീമുകളും, വനിതാ വിഭാഗത്തിൽ കോഴിക്കോട്, എറണാകുളം, മലപ്പുറം, തിരുവനന്തപുരം ടീമുകളും ഏറ്റുമുട്ടും. ഈ മത്സരത്തിൽ നിന്നാകും മാർച്ച് 20 മുതൽ 24 വരെ രാജസ്ഥാനിലെ ഭരത്പൂരിൽ വെച്ച് നടക്കുന്ന 42 മത് ദേശീയ സീനിയർ പുരുഷ – വനിതാ മത്സരങ്ങളിൽ കളിക്കേണ്ട കേരള ടീമിനെ തിരഞ്ഞെടുക്കുകയെന്ന് സോഫ്റ്റ്ബോൾ അസോസിയേഷൻ സംസ്ഥാന സെക്രട്ടറി അനിൽ എ ജോൺസൺ അറിയിച്ചു.
