അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഐ.എസ്.എല്ലില്‍ ഞായറാഴ്ച നടന്ന രണ്ടാമത്തെ മത്സരത്തില്‍ കേരള ബ്ലാസ്റ്റേഴ്സിനെ പരാജയപ്പെടുത്തി എ.ടി.കെ. മോഹന്‍ ബഗാന്‍. ഒരു ഘട്ടത്തില്‍ രണ്ടു ഗോളിന് മുന്നില്‍ നിന്ന ബ്ലാസ്റ്റേഴ്സിനെ മൂന്നു ഗോളുകള്‍ തിരിച്ചടിച്ചാണ് എ.ടി.കെ തകര്‍ത്തത്.
മത്സരത്തിൽ ആദ്യ ഗോൾ നേടിയത് ബ്ലാസ്റ്റേഴ്സ് ആയിരുന്നു. ഗാരി ഹൂപ്പറാണ് ആദ്യ ഗോൾ നേടിയത്. ഐഎസ്എൽ ചരിത്രത്തിലെ ഏറ്റവും മികച്ച ഗോളെന്നാണ് ഗാരി ഹൂപ്പറിന്റെ ഗോളിനെ കമന്റേറ്റർ വിശേഷിപ്പിച്ചത്. 14-ാം മിനിറ്റിലാണ് ഗോൾ പിറന്നത്. 51 -ാം മിനിറ്റിൽ കോസ്റ്റാ നമോയിനേസുവും ബ്ലാസ്റ്റേഴ്സിന് വേണ്ടി ഗോൾ നേടി.
പിന്നീട് മാർസലീഞ്ഞോ 59-ാം മിനിറ്റൽ മോഹൻ ബഗാനായി കളിയിലെ ആദ്യ ഗോൾ നേടി. ജനുവരി ട്രാൻസ്ഫർ വിൻഡോയിലാണ് ഒഡീഷ എഫ്സിയിൽ നിന്ന് മോഹൻ ബഗാനിലേക്ക് മാർസലീഞ്ഞോ എത്തുന്നത്. 65-ാം മിനിറ്റിൽ പെനാൽറ്റിയിലൂടെ റോയ് കൃഷ്ണ രണ്ടാം ഗോൾ നേടി ബ്ലാസ്റ്റേഴ്സുമായി സമനിലയിലായി. പിന്നീട് വീണ്ടും 87-ാം മിനിറ്റിൽ വീണ്ടും റോയ് കൃഷ്ണ ഗോൾ നേടിയതോടെ മോഹൻ ബഗാൻ ബ്ലാസ്റ്റേഴ്സിനെ മറികടന്നു.
