അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പാലക്കാട്: പാലക്കാട് ജില്ലാ കളക്ടറായി മൃണ്‍മയി ജോഷി ഐ.എ.എസ് ഇന്ന് രാവിലെ ചുമതലയേറ്റു. നിലവിലെ ജില്ലാ കളക്ടര്‍ ശ്രീ. ഡി ബാലമുരളി ഐ.എ.എസ് ലേബര്‍ കമ്മീഷണറായി നിയമിതനായ സാഹചര്യത്തില്‍ അദ്ദേഹം ചുമതലകള്‍ കൈമാറി.
2013 ലെ കേരള കേഡര്‍ ഐ.എ.എസ് ഉദ്യോഗസ്ഥയായ മൃണ്‍മയി ജോഷി , ചീഫ് സെക്രട്ടറിയുടെ സ്റ്റാഫ് ഓഫീസര്‍ , ജലനിധി എക്സിക്യുട്ടീവ് ഡയറക്ടര്‍, ജലവിഭവ വകുപ്പ് ജോയിന്റ് സെക്രട്ടറി എന്നീ ചുമതലകള്‍ വഹിച്ചുവരികയായിരുന്നു.
കോഴിക്കോട് കോര്‍പ്പറേഷന്റെ ആദ്യ വനിതാ സെക്രട്ടറിയായി 2016 ല്‍ ചുമതല വഹിച്ചിരുന്നു. ഭൂഗര്‍ഭജല അതോറിറ്റി ഡയറക്ടര്‍, വിനോദസഞ്ചാര വകുപ്പ് അഡീഷണല്‍ ഡയറക്ടര്‍, എറണാകുളം അസിസ്റ്റന്റ് കളക്ടര്‍ , കാസര്‍ക്കോട് സബ് കളക്ടര്‍ എന്നീ നിലകളില്‍ പ്രവര്‍ത്തിച്ചിരുന്നു
