കുട്ടികൾക്ക് ഇഷ്ടമാകുന്ന ഓട്സ് കുക്കീസ് ആണ് ഇന്നത്തെ താരം

ആവശ്യമായ ചേരുവകൾ

ഓട്സ് – രണ്ട് കപ്പ്

പഞ്ചസാര അരക്കപ്പ്

വാനില എസൻസ് -ഒരു ടീസ്പൂൺ

പാല് മൂന്ന് ടീസ്പൂൺ

ബേക്കിങ് പൗഡർ മുക്കാൽ ടീസ്പൂൺ

വെളിച്ചെണ്ണ 1/2 കപ്പ്

ഉപ്പ് ഒരു നുള്ള്

തയാറാക്കുന്ന വിധം

ഒരു കപ്പ് ഓട്സ് പൊടിച്ചെടുക്കുക. ഇനി വലിയൊരു പാത്രത്തിലേക്ക് പൊടിച്ച ഓട്സും ഒരു കപ്പ് പൊടിക്കാത്ത ഓട്സും പഞ്ചസാരയും ബേക്കിങ് പൗഡറും പാലും ഒരു നുള്ള് ഉപ്പും വെളിച്ചെണ്ണയും കൂടെ ചേർത്ത് നന്നായി കുഴച്ചെടുക്കുക.

ശേഷം ഇത് ചെറിയ ഉരുളകളാക്കി ഉരുട്ടി എടുത്തിട്ട് ചെറുതായി പ്രസ്സ് ചെയ്തു കൊടുക്കാം. ഇനി ഇത് മൈക്രോവേവിൽ 170 ഡിഗ്രി സെൽഷ്യസിൽ 20 മിനിറ്റ് വച്ച് ബേക്ക് ചെയ്തെടുക്കാം. പെട്ടെന്ന് തയാറാക്കാൻ പറ്റുന്ന ക്രഞ്ചി ആയ ഓട്സ് കുക്കീസ് റെഡി.