അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കോഴിക്കോട്:പ്രചാരണത്തിനെത്തി സ്വന്തമായി ജീപ്പോടിച്ച് വടകരയിലെ കോൺഗ്രസ് സ്ഥാനാർഥി ഷാഫി പറമ്പിൽ.കാർ മാറ്റിവെച്ച് ജീപ്പിന്റെ താക്കോല്‍ വാങ്ങി മുള്ളന്‍കുന്നിലേക്ക് സ്വന്തമായി ഓടിക്കുകയായിരുന്നു.
ഞായറാഴ്ച രാവിലെ പശുക്കടവില്‍ പ്രചാരണത്തിനെത്തിയപ്പോഴാണ് തിരിച്ച് മുള്ളന്‍കുന്നിലേക്ക് ഷാഫി ജീപ്പ് ഓടിച്ചുപോയത്. രാവിലെ ഒന്‍പത് മണിയോടെ പശുക്കടവ് സെന്റ് തെരേസാസ് ചര്‍ച്ചിലെ സന്ദര്‍ശനം കഴിഞ്ഞ് അങ്ങാടിയില്‍ വോട്ട് ചോദിച്ചു.
അതിനുശേഷം ജീപ്പ് ഓടിക്കുവായിരുന്നു. വളഞ്ഞുപുളഞ്ഞ മലയോര വഴികളില്‍ കാത്തുനിന്നവര്‍ക്കെല്ലാം ജീപ്പ് നിര്‍ത്തി ഹസ്തദാനം ചെയ്യാനും ഷാഫി മറന്നില്ല. പശുക്കടവില്‍നിന്ന് ഏഴ് കിലോ മീറ്റര്‍ ദൂരമുണ്ട് മുള്ളന്‍കുന്നിലേക്ക്.
കഴിഞ്ഞ ദിവസം നിയമസഭാ സ്പീക്കർ എ എൻ ഷംസീറിനോട് ഷാഫി പറമ്പിൽ വോട്ടഭ്യർഥിച്ചിരുന്നു. തലശ്ശേരിയിൽ പ്രചാരണത്തിന് എത്തിയതായിരുന്നു ഷാഫി പറമ്പിൽ. നഗരസഭാ കാര്യാലയത്തിൽ സ്പീക്കർ എ എൻ ഷംസീർ ഉണ്ടെന്നറിഞ്ഞ ഷാഫി നേരിട്ടെത്തി.
കുശലാന്വേഷണങ്ങൾക്ക് ശേഷം മണ്ഡലത്തിലെ തൻ്റെ വോട്ടർ കൂടിയായ സ്പീക്കറോടും നഗരസഭാ അധ്യക്ഷയോടും ഷാഫി വോട്ടഭ്യർഥിച്ചു. എ എൻ ഷംസീർ പ്രതിനിധീകരിക്കുന്ന തലശ്ശേരി നിയമസഭാ മണ്ഡലം വടകര ലോക്സഭാ മണ്ഡലത്തിന് കീഴിലാണ്.
