അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊൽക്കത്ത: സന്ദേശ്ഖാലിയിൽ പീഡനത്തിനിരയായ സ്ത്രീകളിലൊരാൾ ലോക്സഭ തെരഞ്ഞെടുപ്പിൽ ബി.ജെ.പി സ്ഥാനാർഥിയായി മത്സരരംഗത്ത്. അതേസമയം, ഇവർക്കെതിരെ പ്രദേശത്ത് പോസ്റ്ററുകളും പ്രത്യക്ഷപ്പെട്ടു.
അറസ്റ്റിലായ ടി.എം.സി നേതാക്കളായ ഷാജഹാൻ ഷെയ്ഖും കൂട്ടാളികളും ക്രൂരതക്കിരയാക്കിയെന്നാണ് പ്രദേശത്തെ സ്ത്രീകൾ പരാതി ഉന്നയിച്ചത്. ഇയാളെ പിന്നീട് ടി.എം.സി സസ്പെൻഡ് ചെയ്തിരുന്നു. ബസീർഹത് മണ്ഡലത്തിൽനിന്നാണ് രേഖ പത്ര മത്സരിക്കുക. ഈ മണ്ഡലത്തിെന്റ ഭാഗമാണ് സന്ദേശ്ഖാലി.
Read more : പൂരങ്ങളിലെ നിറസാന്നിധ്യമായിരുന്ന കൊമ്പൻ മംഗലാംകുന്ന് അയ്യപ്പന്‍ ചരിഞ്ഞു
സ്ഥാനാർഥിത്വം പ്രഖ്യാപിച്ചതോടെ, ‘രേഖയെ സ്ഥാനാർഥിയായി വേണ്ട; രേഖ പത്രയെ ബി.ജെ.പി സ്ഥാനാർഥിയായി വേണ്ട’ തുടങ്ങിയ പോസ്റ്ററുകളാണ് പ്രദേശത്ത് പ്രത്യക്ഷപ്പെട്ടത്. എന്നാൽ, തങ്ങൾ ചെയ്തതല്ലെന്നും ടി.എം.സിയുടെ വൃത്തികെട്ട രാഷ്ട്രീയക്കളിയാണ് ഇതെന്നും പ്രാദേശിക ബി.ജെ.പി നേതാവ് പറഞ്ഞു. പത്ര ഇതുവരെ ഔദ്യോഗികമായി ബി.ജെ.പിയിൽ ചേർന്നിട്ടില്ല.
