അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നിറത്തിന്റെ പേരിൽ കലാകാരന്മാരെ അധിക്ഷേപിച്ച കലാമണ്ഡലം സത്യഭാമയെ ട്രോൾ ചെയ്യുന്ന വിഡിയോയുമായി ബാലതാരം വൃദ്ധി വിശാൽ. 2024 ലെ സോഷ്യൽ മീഡിയ സ്റ്റാർ കലാമണ്ഡലം സത്യഭാമ ആണെന്ന കണ്ടെത്തലുമായാണ് വൃദ്ധി എത്തിയിരിക്കുന്നത്. സത്യഭാമയുടെ ലുക്കിലുള്ള മേക്കോവറിൽ വൃദ്ധി എത്തുന്നതും വിഡിയോയിൽ ഉണ്ട്.
View this post on Instagram
നടി ഹണി റോസ്, ബിഗ് ബോസ് താരം ജാസ്മിൻ, ആറാട്ട് അണ്ണൻ എന്ന് അറിയപ്പെടുന്ന സന്തോഷ് വർക്കി, യൂട്യൂബർ തൊപ്പി എന്നിവരുടെ ചിത്രത്തിനൊപ്പം അവസാനമാണ് സത്യഭാമയുടെ ചിത്രവുമെത്തുന്നത്. ഇവരിൽ സത്യഭാമയാണ് ഈ വർഷത്തെ സോഷ്യല്‍ മീഡിയ സ്റ്റാർ എന്ന് വൃദ്ധി പറയുന്നു. വൃദ്ധിയുടെ വിഡിയോ സമൂഹ മാധ്യമങ്ങളിൽ തരംഗമായി മാറി. കുട്ടികൾ പോലും സത്യഭാമയെ വെറുതെ വിടുന്നില്ലല്ലോ എന്നാണ് പലരും കമന്റുകളിലൂടെ അറിയിച്ചത്.
View this post on Instagram
മലയാളത്തിലും തമിഴിലും നിരവധി ആരാധകരുള്ള ബാലതാരമാണ് വൃദ്ധി വിശാൽ. സമൂഹ മാധ്യമങ്ങളിൽ ദശലക്ഷക്കണക്കിന് ആരാധകരുണ്ട് ഈ കുട്ടിത്താരത്തിന്. പൃഥ്വിരാജ് സുകുമാരൻ നായകനായ കടുവ, ടൊവിനോ തോമസ്, ആസിഫ് അലി തുടങ്ങിയവർ പ്രധാന വേഷത്തിൽ അഭിനയിച്ച 2018, സണ്ണി വെയ്ൻ, അന്ന ബെൻ തുടങ്ങിവർ അഭിനയിച്ച സാറാസ് എന്നിവയാണ് വൃദ്ധി അഭിനയിച്ച പ്രധാന മലയാള സിനിമകൾ.
ജയ് നായകനായ തീരാ കാതൽ, ശ്രീകാന്ത് നായകനായ കോഫി വിത്ത് കാതൽ തുടങ്ങിയ തമിഴ് ചിത്രങ്ങളിലും വൃദ്ധി അഭിനയിച്ചിട്ടുണ്ട്.
